ການນຳແຂວງສະຫວັນນະເຂດເຂົ້າວາງກະຕ່າດອກໄມ້ທີ່ອະນຸສອນ ປະທານ ໂຮ່ຈີມິງ

ໃນວັນທີ 19 ພຶດສະພາ  ເຊິ່ງແມ່ນວັນເກີດປະທານໂຮ່ຈີມິງ ຄົບຮອບ 127 ປີ (19/5/1890-19/5/2017)  ການນຳແຂວງສະຫວັນນະເຂດ  ໂດຍມີ ທ່ານ ສັນຕິພາບ ພົມວິ ຫານ ເຈົ້າແຂວງໆສະຫວັນນະເຂດ ທ່ານ ຫງວຽນ ກົງຖິ້ງ ຫົວໜ້າກົງສູນໃຫຍ່ ສສ ຫວຽດນາມ  ປະຈຳແຂວງດັ່ງກ່າວພ້ອມດ້ວຍ ຂະແໜງການອ້ອມຂ້າງແຂວງ ໄດ້ເຂົ້າວາງກະຕ່າດອກໄມ້ອະນຸ  ສອນ ປະທານ ໂຮ່ຈີມິງ (ເຂດ ທ່າດ່ານ) ເມືອງໄກສອນ ພົມວິຫານ ເຊິ່ງສະຖານທີ່ແຫ່ງນີ້ປະທານໂຮ່ຈີມິງເຄີຍໄດ້ເຂົ້າມາ ເຄື່ອນໄຫວປະຕິວັດໃນຊຸມປີ 1918-1919 ແລະ ເພື່ອຈາລຶກຄຸນງາມຄວາມດີ ແລະ ພາລະກິດອັນຍິ່ງໃຫຍ່ຂອງປະທານໂຮ່ຈີ ມິງທີ່ມີຕໍ່ການປະຕິວັດກຳມະຊີບ ຂອງໂລກ ແລະ ຕໍ່ການປະຕິວັດ ຂອງສອງຊາດລາວ-ຫວຽດ ນາມ ແລະ ສະແດງຄວາມເຄົາ ລົບຮັກກະຕັນຍູຮູ້ບຸນຄຸນຕໍ່ປະ ທານໂຮ່ຈີມິງ ທີ່ໄດ້ອຸທິດສະຕິປັນ ຍາ, ກຳລັງວັງຊາຢ່າງບໍ່ຮູ້ອິດຮູ້  ເມື່ອຍເຂົ້າໃນການປະຕິວັດ, ກົມ  ການເມືອງສູນກາງພັກ, ຄະນະເລຂາທິການສູນກາງພັກ ປະຊາ ຊົນປະຕິວັດລາວ, ລັດຖະບານ ສປປ ລາວ ຈິ່ງໄດ້ຕົກລົງສ້າງ ສິ່ງທີ່ເປັນອະນຸສອນປະທານໂຮ່ຈີມິງຢູ່ 3 ແຫ່ງຄື: ຢູ່ບ້ານ ຊຽງຫວາງ ເມືອງໜອງບົກ ແຂວງ ຄຳມ່ວນ, ທ່າດ່ານ ເມືອງ ໄກສອນ ພົມວິຫານ ແຂວງ ສະຫວັນນະເຂດ ແລະ ຢູ່ນະຄອນຫລວງວຽງຈັນ.

ປະທານໂຮ່ຈີມິງແມ່ນນັກ ຮົບປະຕິວັດຜູ້ປີຊາສາມາດສະ ຫລາດສ່ອງໃສ, ມີໄຫວພິກນີ້ມ ນວນທີ່ປະເສີດເລີດລ້ຳທີ່ສຸດ    ເພິ່ນເປັນແວນແຍງອັນໃສແຈ້ງ ໃຫ້ແກ່ພວກເຮົາຮຸ່ນສືບທອດ ທາງແນວຄິດຄຸນສົມບັດສິນທຳປະຕິວັດ, ດຳລົງຊີວິດແບບລຽບ  ງ່າຍ ແລະ ຖະໜອມຖ່ອມຕົວມີແບບແຜນວິທີເຮັດວຽກທີ່ວິທະ ຍາສາດ, ເປັນນັກປະຕິວັດຜູ້ ຍິ່ງໃຫຍ່ທີ່ສຸຂຸມເຂັ້ມງວດ, ນັກ  ຍຸດທະສາດທີ່ໜັກແໜ້ນແຕ່ພັດນິ້ມນວນຄ່ອງແຄ້ວ, ມີຄວາມ ໃກ້ຊິດຕິດແທດກັບມະຫາຊົນ,ເຄົາລົບນັບຖືຮັກແພງປະ ຊາຊົນ. ຕໍ່ກັບຂະບວນການ ປະຕິວັດລາວ ປະທານໂຮ່ຈີມິງ ມີຄວາມເປັນຫວ່ງເປັນໃຍເອົາໃຈໃສ່ຊີ້ນຳໂດຍກົງທາງດ້ານ ຍຸດທະສາດ, ຍຸດນະໂຍບາຍ, ແບບແຜນວິທີນຳພາໃຫ້ແກ່ ພັກປະຊາຊົນປະຕິວັດລາວຕະຫລອດມາພ້ອມນີ້ຍັງໃຫ້ຄວາມ ສຳຄັນ ແລະ ເອົາໃຈໃສ່ເປັນພິເສດຕໍ່ຄວາມສາມັກຄີຮັກໄຄລະຫວ່າງປະຊາຊົນສອງຊາດ ປະທານໂຮ່ຈີມິງ ເປັນສັນຍາລັກແຫ່ງຄວາມສາມັກຄີແບບພິເສດ ແລະ ການຮ່ວມມືຮອບ ດ້ານລະຫວ່າງສອງພັກ, ສອງລັດ ແລະ ປະຊາຊົນສອງຊາດລາວ-ຫວຽດນາມ.