ມອຍ ປະກາດລາອອກຈາກຕຳແໜ່ງຜູ້ຈັດການທີມ ຊັນເດີແລນ ແລ້ວ ຫຼັງພາທີມຕົກຊັ້ນ

ສະໂມສອນ ຊັນເດີແລນ ປະກາດຢືນຢັນວ່າ ເດວິດ ມອຍ ຜູ້ຈັດການທີມຄົນ ສະກອດແລນ ໄດ້ຂໍລາອອກຈາກຕຳແໜ່ງຜູ້ຈັດການທີມເປັນທີ່ຮຽບຮ້ອຍແລ້ວ ຫຼັງພາທີມຕົກຊັ້ນຈາກພຣີເມຍລີກ ລົງສູ່ລະດັບ ເດິ ແຊ໊ມປຽນຊິບ ໃນ ລະດູການໜ້າ.

ເຖິງວ່າກ່ອນໜ້ານີ້ມີກະແສຂ່າວລືວ່າກ່ຽວກັບເລື່ອງອະນາ ຄົດຂອງການຄຸມທີມ ຫຼັງຈາກທີ່ ຊັນເດີແລນ ມີຜົນງານຕົກຕ່ຳຕະ ຫຼອດລະດູການ 2016-17 ແຕ່ ມອຍ ຢືນຢັນວ່າຕ້ອງການຢູ່ຄຸມ ທີມຕໍ່ໄປ ເຖິງວ່າ ຊັນເດີແລນ ຕ້ອງລົງໄປຫຼິິ້ນໃນ ເດິ ແຊ໊ມປຽນ ຊິບ ກໍຕາມ.

ແນວໃດກໍຕາມ ຫຼ້າສຸດ ຊັນ ເດີແລນ ຢືນຢັນວ່າ ມອຍ ໄດ້ຕັດ ສິນໃຈລົງຈາກຕຳແໜ່ງຮຽບ ຮ້ອຍ ແລະ ຈະມີຜົນບັງຄັບໃຊ້ທັນ ທີ.

“ຂ້ອຍຢາກຈະຂອບໃຈ ເອລລິສ  ປະທານສະໂມສອນ ແລະ ຫົວໜ້າບໍລິຫານທີ່ໃຫ້ໂອ ກາດຂ້ອຍໄດ້ຄຸມທີມ ຊັນເດີແລນ ແລະ ຂອບໃຂກອງເຊຍທີ່ໃຫ້ ການສະໜັບສະໜູນສະໂມສອນ ດ້ວຍຄວາມຮັກມາຕະຫຼອດ ຂ້ອຍ ຂໍອວຍພອນໃຫ້ນັກເຕະ ແລະ ຄົນທີ່ຈະມາເຮັດໜ້າທີ່ຕໍ່ຈາກຂ້ອຍພົບກັບແຕ່ສິ່ງດີໆໃນການພະຍາ ຍາມກັບຄືນສູ່ເວທີພຣີເມຍລີກ” ມອຍ ກ່າວວ່າ.

ທັງນີ້ໃນຍຸກຂອງ ມອຍ ນັ້ນ ຊັນເດີແລນ ບໍ່ເຄີຍມີອັນດັບທີ່ດີ ກວ່າ 16 ເລີຍ ໂດຍພວກເຂົາຢູ່ ໃນເຂດຕົກຊັ້ນມາຕະຫຼອດຕັ້ງແຕ່ໄລຍະເດືອນກັນຍາ.