ຮ້ານສະດວກຊື້ 7-11 ຍຸກໃຫມ່ ບໍ່ມີພະນັກງານ ເງິນສົດບໍ່ໃຊ້ ບັດບໍ່ໃຊ້ ໃຊ້ຝາມືຢ່າງດຽວ
ຢູ່ປະເທດ ສ.ເກົາຫຼີ ຕົວແບບເປີດນຳໃຊ້ 7-11 ຮູບແບບໃຫມ່ ບໍ່ຕ້ອງມີພະນັກງານ, ບໍ່ຕ້ອງໃຊ້ເງິນສົດ, ບັດ ຫຼື E-Payment ເພື່ອຊຳລະເງິນ ໃຊ້ພຽງຝາມືເທົ່ານັ້ນ.
ຮ້ານສະດວກຊື້ຮູບແບບໃຫມ່ນີ້ ເປັນການຮ່ວມມືລະຫວ່າງ Lotte Card, Lotte Data Communication ແລະ 7-11 ເປີດໃຫ້ບໍລິການໃນແບບ “Smart Convenience Store” ແຫ່ງທໍາອິດພາຍໃນ Lotte World Tower ປະເທດ ສ.ເກົາຫຼີ ໂດຍພາຍໃນຮ້ານມີລະບົບການຈ່າຍເງິນແບບໃຫມ່ດ້ວຍ “BioPay” ເຕັກໂນໂລຊີໄບໂອເມຕຣິກສໍາລັບກວດສອບລັກສະນະທາງກາຍະພາບຂອງມະນຸດ ຊ່ວຍໃຫ້ລູກຄ້າຈ່າຍເງິນຄ່າສິນຄ້າ ແລະ ບໍລິການໄດ້ດ້ວຍຝາມື ເອີ້ນວ່າ “HandPay” ໂດຍບໍ່ຕ້ອງຈ່າຍເປັນເງິນສົດ, ບັດເຄດິດ ຫຼື ລະບົບ E-Payment ຜ່ານໂທລະສັບ ເຊິ່ງການໃຊ້ຝາມືສໍາລັບການຈ່າຍເງິນຄ່າສິນຄ້າ ແລະ ບໍລິການລູກຄ້າຈໍາເປັນຕ້ອງລົງທະບຽນເຊື່ອມຕໍ່ຂໍ້ມູນກັບ Lotte Card ເພື່ອໃຊ້ໃນການລະບຸຕົວຕົນເມື່ອເຂົ້າມາພາຍໃນ 7-11 ໄປຈົນເຖິງການຈ່າຍເງິນຄ່າສິນຄ້າ ແລະ ບໍລິການ.
ເຕັກໂນໂລຊີອື່ນໆພາຍໃນຮ້າຍຍັງປະກອບມີເຄື່ອງສະແກນສິນຄ້າແບບ 360 ອົງສາ ເພື່ອລະບຸລາຄາ, ເຊນເຊີສໍາລັບເປີດຕູ້ແຊ່ອັດຕະໂນມັດເມື່ອລູກຄ້າຢູ່ໃກ້, ມີເຕັກໂນໂລຊີສະແກນຫຼອດເລືອດໃນກໍລະນີຈໍາໜ່າຍຢາສູບ ເພື່ອເປັນການປ້ອງກັນເຍົາວະຊົນທີ່ຈະເຂົ້າມາຊື້ຢາສູບ ແລະ Smart CCTV ທີ່ຊ່ວຍປ້ອງກັນຄວາມປອດໄພລະດັບພິເສດ.
ສໍາລັບເຕັກໂນໂລຊີພາຍໃນຮ້ານ 7-11 ຮູບແບບໃຫມ່ ດໍາເນີນການດ້ວຍເຄື່ອງມືທີ່ທັນສະໄໝ ເຊິ່ງ Jung Seung-in ຂອງ Korea Seven ເປີດເຜີຍວ່າ: 7-11 Signature ນັບເປັນຮ້ານຄ້າສະດວກຊື້ລະດັບດີທີ່ໃຊ້ລະບົບໄອທີທັນສະໄໝເພື່ອຕອບສະໜອງຄວາມຕ້ອງການໃນຍຸກອຸດສາຫະກໍາ ແລະ ຈະເປັນສັນຍາລັກດ້ານນະວັດຕະກໍາຈໍາໜ່າຍສິນຄ້າຂອງ ສ.ເກົາຫຼີ.
