ມສ ວຽງຈັນ ກຽມທີມສູ້ເສິກອາຊຽນໃນລາຍການ ຊີງແຊ້ມດຶງເຊືອກອາຊຽນ ອາຍຸ 16 ປີ
March 20, 2019 - 5:01 PM
ຕາມຄຳເຊີນຂອງສະມາຄົມດຶງເຊືອກແຫ່ງປະເທດໄທ ແລະ ສູນສຶກສາຂັ້ນພື້ນຖານ ແລະ ສະຖານີໄທໂທລະພາບ ຈັດການແຂ່ງຂັນດຶງເຊືອກ ອາຍຸ 16 ປີ ທີ່ປະເທດໄທ ເພື່ອສົ່ງເສີມໃຫ້ນັກຮຽນຫັນມາຫລິ້ນກິລາດັ່ງກ່າວຫລາຍຂຶ້ນ, ທັງເປັນການສົ່ງເສີມຄວາມສາມັກຄີໃນກຸ່ມນັກຮຽນອາຊຽນພ້ອມກັນພັດທະນາຄວາມພ້ອມໄປສູ່ທີມຊາດໃນອະນາຄົດ ໂດຍສະມາຄົມດຶງເຊືອກແຫ່ງປະເທດໄທຈັດການແຂ່ງຂັນ 2 ສະໜາມຄື: ສະໜາມທີ 1 ໂຮງຮຽນມຸກດາຫານ ຈັງຫວັດມຸກດາຫານ ໃນວັນທີ 21-23/5/2019, ສະໜາມທີ 2 ໂຮງຮຽນພຸດທະໂສທອນ ຈັງຫວັດສະເຊີງເຊົາ ໃນວັນທີ 9-11/8/2019 ມີປະເທດເຂົ້າຮ່ວມຄື: ທີມໄທ 13 ທີມ, ລາວ 2 ທີມ, ກຳປູເຈຍ 2 ທີມ, ມຽນມາ 2 ທີມ, ສ່ວນທີມລາວໄດ້ສົ່ງທີມ ມສ ວຽງຈັນ ເຂົ້າຮ່ວມການແຂ່ງຂັນຄັ້ງນີ້.
