ກອງປະຊຸມນິວເຄຼຍອີຣານຕົກລົງ ເດີນໜ້າຕາມຂໍ້ຕົກລົງຕໍ່ໄປ
ກອງປະຊຸມປະເທດທີ່ຮ່ວມຂໍ້ຕົກລົງນິວເຄຼຍວ່າດ້ວຍແຜນປະຕິບັດການສະບັບຄວບຄຸມ (JCOPA) ປະຊຸມຮ່ວມກັນເປັນຄັ້ງທຳອິດໃນນະຄອນຫລວງວຽນນາ ວັນທີ 6 ມີນາ ຕາມເວລາທ້ອງຖິ່ນ ນັບແຕ່ສະຫະພາບເອີຣົບ (EU) ເຮັດແຜນງານພິເສດເພື່ອຊຸກຍູ້ການຄ້າກັບອີຣານ.
ກອງປະຊຸມດັ່ງກ່າວມີຜູ້ແທນດ້ານຕ່າງປະເທດຂອງເອີຣົບເປັນປະທານ ຮ່ວມກັບຜູ້ແທນເຈລະຈາຈາກຈີນ, ຝຣັ່ງ, ເຢຍລະມັນ, ຣັດເຊຍ, ອັງກິດ ແລະ ອີຣານ ໂດຍບໍ່ມີອາເມລິກາ ເຊິ່ງເຄີຍລົງນາມໃນຂໍ້ຕົກລົງນິວເຄຼຍອີຣານສະໄໝລັດຖະບານປະທານາທິບໍດີ ບາຣັກ ໂອບາມາ, ຕໍ່ມາລັດຖະບານປະທານາທິບໍດີ ໂດນັລ ທຣຳ ປະກາດຖອນຕົວຈາກຂໍ້ຕົກລົງໃນເດືອນພຶດສະພາປີຜ່ານມາ. ເຖິງຢ່າງໃດກໍຕາມ, ກຸ່ມປະເທດມະຫາອຳນາດເອີຣົບ ໄດ້ແກ່ ເຢຍລະມັນ, ຝຣັ່ງ ແລະ ອັງກິດ ພະຍາຍາມຈະເດີນໜ້າຂໍ້ຕົກລົງນິວເຄຼຍກັບອີຣານຕໍ່ໄປ ໂດຍການເຮັດການຄ້າກັບອີຣານ ທັງທີ່ອາເມລິກາມີມາດຕະການຂວ້ຳບາດ. ທ່ານ ອັບບາສ ອາຣັກຊີ ຮອງລັດຖະມົນຕີຕ່າງປະເທດອີຣານ ກ່າວວ່າ: ອີຣານຈະເຮັດແບບແຜນພາຍໃນເດືອນນີ້ຕາມແບບເອີຣົບ ໂດຍຫວັງວ່າກົນໄກທັງສອງຈະປະສານກັນໄດ້ໃນດ້ານສິນຄ້າ ແລະ ບໍລິການທັງໝົດ ນອກເໜືອຈາກເຄື່ອງດ້ານມະນຸດສະທຳ.
