ບົດບາດແມ່ຍິງລາວໃນຍຸກພັດທະນາປະເທດຊາດ
ໂດຍ: ທິດກ່ຳ
ໃນພາລະກິດສ້າງສາພັດທະນາປະເທດຊາດເຮົາເຫັນວ່າແມ່ຍິງ ໄດ້ສ້າງຊື່ສຽງ ແລະ ເປັນກຳລັງແຮງອັນສຳຄັນໃຫຍ່ຫລວງເຂົ້າໃນພາລະກິດສ້າງສາ ແລະ ພັດທະນາປະເທດຊາດ.
ໃນໂອກາດສະເຫລີມສະຫລອງວັນສ້າງຕັ້ງກອງທັບຄົບຮອບ 70 ປີ (20/1/ 1949-20/1/2019) ທີ່ຜ່ານ ມາທິດກ່ຳ ໄດ້ເຫັນສັກກະຍະ ພາບການເດີນສວນສະໜາມຂອງກ້ອນກອງກຳລັງໄພ ເພດຍິງ, ກ້ອນກຳລັງເສນາ ຮັກ ແລະ ໜຶ່ງໃນກຳລັງທະ ຫານໂດດຈ້ອງໄດ້ສະແດງ ຄວາມອົງອາດກ້າຫານບໍ່ ໜ້ອຍໜ້າກັບກ້ອນກຳລັງ ອື່ນໆ ໃນຖັນແຖວກອງທັບ ປະຊາຊົນລາວ, ຍິ່ງໄປກວ່າ ນັ້ນແມ່ນທັງເກັ່ງທັງເຂັ້ມແຂງ ສວຍງາມໄປພ້ອມໆ ກັນເຊິ່ງ ເບິ່ງແລ້ວມັນສຸດທີ່ລະທຶກຮຶກ ເຫີມ ແລະ ກະຕືລືລົ້ນ.
ໃນໂອກາດທີ່ທິມ ກິລາ ບານເຕະເພດຍິງຢູ16 ແລະ ຢູ 19 (U16-U19) ພວມ ແຂ່ງຂັນຢູ່ລາວເຮົາ ແລະ ຢູ່ຍີ່ປຸ່ນໄດ້ເປັນເຈົ້າພາບໃນລະດັບພາກພື້ນອາຊີທິມບານເຕະແມ່ຍິງລາວກໍບໍ່ ໜ້ອຍໜ້າສາມາດກູ້ໜ້າກູ້ຕາ ແລະ ສ້າງຊື່ສຽງມາໃຫ້ປະເທດຊາດ.
ການໄປເຂົ້າຮ່ວມແຂ່ງ ຂັນນາງງາມຂອງພາກພື້ນ ແລະ ລະດັບໂລກແມ່ຍິງລາວ ເຮົາກໍບໍ່ນ້ອຍໜ້າກັບຊາດອື່ນສາມາດສ້າງຊື່ສຽງ ແລະ ໄດ້ຮັບລາງວັນອັນຊົງກຽດມາໃຫ້ປະເທດຊາດຢ່າງໜ້າ ເພິ່ງພໍໃຈ ນີ້ຄືບົດບາດ ແລະ ຄວາມສາມາດຂອງແມ່ຍິງລາວໃນຍຸກໃໝ່ທີ່ພວມມາ ແຮງອັນເປັນຍຸກແຫ່ງການ ສ້າງສາ ແລະ ພັດທະນາປະເທດຊາດ.
ນອກຈາກ, ຄວາມໂດດ ເດັ່ນທີ່ທິດກ່ຳ ໄດ້ເວົ້າມາຂ້າງເທິງນີ້ແລ້ວ, ໃນພາລະກິດສ້າງສາພັດທະນາປະເທດຊາດໃນຍຸກປັດຈຸບັນແມ່ຍິງ ລາວໄດ້ປະກອບສ່ວນຢ່າງໃຫຍ່ຫລວງ ແລະ ໂດດເດັ່ນ ທີ່ສຸດໃນທຸກຂົງເຂດບໍ່ວ່າ ໃນຂົງເຂດປ້ອງກັນຊາດ, ປ້ອງກັນຄວາມສະຫງົບ, ເສດຖະກິດ ແລະ ວັດທະນະທຳ ສັງຄົມແມ່ຍິງລາວກໍເປັນກຳລັງແຮງອັນມະຫາສານ ເຂົ້າໃນພາລະກິດຂອງຊາດ.
ມາຮອດປັດຈຸບັນ, ແມ່ຍິງໄດ້ກາຍເປັນຜູ້ນຳ, ເປັນຜູ້ແທນປະຊາຊົນ, ເປັນນາຍຮ້ອຍ, ນາຍພັນ, ເປັນນັກວິສະ ວະກອນ, ເປັນ ນັກວິຊາການ, ເປັນນັກບໍລິ ຫານເຊື່ອມໂຍງເຂົ້າໃນທຸກຂົງເຂດວຽກງານ ເຊິ່ງບໍ່ມີ ຂົງເຂດໃດວ່າ ແມ່ ຍິງລາວ ຈະເຮັດບໍ່ໄດ້ ແລະ ຊ້ຳບໍ່ໜຳຍັງໄດ້ດີກວ່າເພດຊາຍໃນບາງວຽກ, ບາງຂົງເຂດ, ສິ່ງທີ່ໜ້າສັນລະເສີນ ອີກອັນໜຶ່ງຄືແມ່ຍິງລາວມີ ເອກະລັກສະເພາະ, ຍັງອາ ນຸລັກຮັກສາປະເພນີວັດທະນະທຳຂອງຕົນຄື: ນຸ່ງສິ້ນໄໝ, ເສື້ອໄໝ, ບ່ຽງແພ, ຮູ້ ເຂົ້າວັດຟັງທຳໃນຍາມບຸນສິນກິນທານ ແລະ ຍາມເຮັດໜ້າທີ່ລັດຖະການອັນເປັນ ເອກກະລັກ ແລະ ມູນເຊື້ອທີ່ດີງາມຂອງຊາດ ແລະ ຂອງແມ່ຍິງລາວໂດຍສະເພາະທຸກສິ່ງຢ່າງທີ່ໄດ້ກ່າວມາ ຂ້າງເທິງນີ້, ລ້ວນແລ້ວ ແຕ່ພົວ ພັນເຖິງບົດບາດ, ໜ້າທີ່ ແລະ ຜົນງານອັນໂດດເດັ່ນທີ່ແມ່ຍິງລາວໄດ້ອຸທິດຊີວິດຈິດໃຈ ເຫື່ອແຮງຂອງຕົນເພື່ອພາ ລະກິດຂອງຊາດສົມແລ້ວພັກ ແລະ ລັດຖະບານໄດ້ຍົກສູງຖານະບົດບາດ, ສຶກສາອົບຮົມ ບົ່ມເພາະໃຫ້ແມ່ຍິງລາວສູງ ເດັ່ນຂຶ້ນເລື້ອຍໆ, ມີສິດເທົ່າທຽມກັບເພດຊາຍ ແລະ ທັງຊຸກຍູ້ສົ່ງເສີມໃຫ້ແມ່ລາວ ກາຍເປັນກຳລັງແຮງອັນ ໃຫຍ່ຫລວງໃນພາລະກິດສ້າງສາ ແລະ ພັດທະນາປະເທດຊາດໃນຍຸກປັດຈຸບັນ.
ເຖິງຢ່າງໃດກໍດີ, ຕາມ ເຮົາວ່າຍັງມີຜູ້ຍິງລາວຈຳ ນວນບໍ່ໜ້ອຍທີ່ຍັງບໍ່ທັນພັດທະນາຕົນເອງຕາມພາລະ ບົດບາດໜ້າທີ່, ຮີດຄອງປະເພນີອັນດີງາມຂອງຊາດ ເຊັ່ນ: ຂີ້ຄ້ານ, ຄ້າຂາຍຢາເສບ ຕິດ, ຫລິ້ນກິນຟຸມເຟືອຍ, ບໍ່ປະຢັດມັດທະຍັດ, ບໍ່ຢູ່ໃນ ກົດຮີດຄອງປະເພນີເຮືອນ ສາມນ້ຳສີ່, ຍິ່ງໄປກວ່ານັ້ນມີ ຈຳນວນໜຶ່ງເປັນໂສເພນີ, ໂຊຫຸ່ນໂປ້ເປືອຍຂຶ້ນເໜືອ ລ່ອງໃຕ້ຫາກິນຕາມເທັກ ຕາມບາ, ຕາມຮ້ານໄຟຍິບ ແຍັບອັນເປັນການຝືນຕໍ່ຮີດ ຄອງປະເພນີ, ທັງເຊື່ອມເສຍ ບົດບາດ ແລະ ກຽດສັກສີ ຂອງແມ່ຍິງລາວ./.
