ສະພາການຄ້າ ແລະ ອຸດສາຫະກຳແຫ່ງຊາດລາວ ຮ່ວມກັບ ອົງການຮ່ວມ ມືສາກົນລາວ-ເຢຍລະມັນ ແລະ ບໍລິສັດ ເຄພີເອັມຈີລາວ ຈຳກັດ, ໄດ້ຈັດຖະແຫລງ ຂ່າວກ່ຽວກັບການກະກຽມຈັດງານປະກາດຜົນການແຂ່ງຂັນທຸລະກິດອາຊຽນດີເດັ່ນຂອງ ລາວ ປະຈຳປີ 2017, ຂຶ້ນໃນວັນທີ 22 ພຶດສະພານີ້, ທີ່ສະມາຄົມນັກຂ່າວແຫ່ງ ສປປ ລາວວ່າ: ງານດັ່ງກ່າວ, ຈະໄດ້ຈັດຂຶ້ນໃນວັນທີ 28 ສິງຫານີ້, ທີ່ນະຄອນຫລວງວຽງຈັນ, ເພື່ອໃຫ້ສັງຄົມໄດ້ຮັບຮູູ້ບັນດາຫົວໜ່ວຍທຸລະກິດຂອງລາວ ແລະ ເປັນຕົວແທນໃນການເຜີຍແຜ່ຄວາມຮູ້ກ່ຽວກັບປະຊາຄົມ ອາຊຽນ, ທັງເປັນແຮງບັນດານໃຈ ແລະ ເຕົ້າໂຮມບັນດາທຸລະກິດລາວ ໃຫ້ປະກອບ ສ່ວນເຂົ້າໃນຂະບວນການເຊື່ອມໂຍງອາຊຽນ ແລະ ກາຍເປັນຜູ້ນຳສຳຄັນໃນຕະ ຫລາດອາຊຽນ, ພ້ອມນີ້ ຍັງເປັນແຮງພັກດັນໃຫ້ທຸລະກິດຕ່າງໆຂອງລາວໃຫ້ມີການ ແຂ່ງຂັນ ແລະ ເຕີບໂຕຂຶ້ນໄປເລື້ອຍໆ, ພ້ອມດຽວກັນນີ້ ທຸລະກິດທີ່ໄດ້ຮັບຄັດເລືອກ ເປັນທຸລະກິດດີເດັ່ນ ກໍຈະໄດ້ຮັບໃບຍ້ອງຍໍຈາກອາຊຽນ, ຊຶ່ງເປັນກາໝາຍທີ່ສຳຄັນ ໃນການດຳເນີນທຸລະກິດອີກດ້ວຍ.
ສຳລັບການສະໝັກເຂົ້າຮ່ວມແຂ່ງຂັນ ແມ່ນດາວໂຫລດເອົາໃບສະໝັກ ປະເພດລາງວັນທີ່ຕ້ອງການ ໃນເວັບໄຊ www.abalaos.com, ພ້ອມທັງຕື່ມຂໍ້ມູນ ຕາມໃບສະໝັກ ແລະ ຕິດຄັດເອກະສານທີ່ຈຳເປັນໄປພ້ອມ, ຊຶ່ງບໍ່ໄດ້ຈຳກັດປະເພດ ທຸລະກິດ ແລະ ຈຳນວນການສະໝັກ, ໂດຍທຸກທ່ານສາມາດສົ່ງເອກະສານຂອງຕົນ ກ່ອນວັນທີ 15 ສິງຫານີ້ ທີ່ເວັບໄຊ tongvilayvanh05@yahoo.com ໂທລະສັບໝາຍເລກ 021 452 579 ຫຼື ແຟັກ 021 452 580 ໃນໂມງລັດຖະການ.
