U19 ຍິງທີມຊາດລາວ ເກັບອີກ 1 ຄະແນນ ລາຍການພິເສດທີ່ຍີ່ປຸ່ນ
ທັບນັກກິລາບານເຕະຍິງທີມຊາດລາວ ຮຸ່ນອາຍຸບໍ່ເກີນ 19 ປີ ຜົນງານດີຕໍ່ເນື່ອງໃນການແຂ່ງຂັນບານເຕະຍີ່ປຸ່ນ-ອາຊຽນ ໂຄງການແລກປ່ຽນຂອງ JENESYS ຢູ່ເມືອງໂອກີນາວາ ປະເທດຍີ່ປຸ່ນ ໃນວັນທີ 5 ມີນານີ້ U19 ຍິງທີມຊາດລາວ ລົງແຂ່ງຂັນນັດທີ 3 ຂອງກຸ່ມ B ສະເໝີກັບ U19 ຍິງທີມຊາດກຳປູເຈຍ 1-1 ໂດຍທີມຊາດລາວ ໄດ້ປະຕູຈາກ ວາດີ ອິນທິຍາ ນາທີ 61.
U19 ຍິງທີມຊາດລາວ ລົງແຂ່ງຂັນນັດທີ 3 ຂອງກຸ່ມ B ສະເໝີ 2 ຊະນະ 1 ຊະນະ ສິງກະໂປ 4-0 ສະເໝີ ມາເລເຊຍ 0-0 ແລະ ສະເໝີ ກຳປູເຈຍ 1-1 ນັດສຸດທ້າຍຂອງກຸ່ມ ຈະພົບກັບ ສະໂມສອນ Viscale Okinawa FC Nabita ຈາກເມືອງເຈົ້າພາບ ໃນວັນທີ 6 ມີນາ 2019 ເວລາ 14:00.
ສຳລັບການແຂ່ງຂັນລາຍການນີ້ມີ 10 ທີມເຂົ້າຮ່ວມ ແບ່ງອອກເປັນ 2 ກຸ່ມຄື: ກຸ່ມ A ມີ U19 okinawa selection, ໄທ, ຍີ່ປຸ່ນ, ຫວຽດນາມ ແລະ ມຽນມາ. ກຸ່ມ B ມີ Viscale Okinawa FC Nabita, ລາວ, ມາເລເຊຍ, ສິງກະໂປ ແລະ ກຳປູເຈຍ.
