ອົງການສຸພານິມິດຮຽກຮ້ອງໃຫ້ຊຸມຊົມມີສ່ວນຮ່ວມໃນການລຶບລ້າງການໃຊ້ຄວາມຮຸນແຮງຕໍ່ເດັກ ແລະ ໄວໜຸ່ມ

ໃນວັນທີ 19 ພຶດສະພານີ້ ກະຊວງແຮງງານ ແລະ ສະຫວັດ  ດີການສັງຄົມ (ຮສສ) ໄດ້ຮ່ວມ ກັບອົງການສຸພະນິມິດ ປະຈຳລາວ  ໄດ້ຮ່ວມລົງນາມໃນບົດບັນທຶກ ຄວາມເຂົ້າໃຈຮ່ວມກັນກ່ຽວກັບໂຄງການສົ່ງເສີມຊຸມຊົນໃຫ້ມີສ່ວນ ຮ່ວມໃນການລຶບລ້າງການ  ໃຊ້ຄວາມຮຸນແຮງຕໍ່ເດັກ-ໄວໜຸ່ມ ແລະ ປ້ອງກັນການຄ້າມະນຸດ ເຊິ່ງໂຄງການ ດັ່ງກ່າວແມ່ນຈະໄດ້ຈັດຕັ້ງປະຕິບັດຢູ່ເມືອງອາດສະພອນ ໃນ 5 ບ້ານຄື: ດອນກະພຸງ, ນາທົ່ມ, ແບ່ງ, ນາປອດ ແລະ ບ້ານ ສິງສະຫວ່າງເຊິ່ງພິທີດັ່ງກ່າວໄດ້  ຈັດຂຶ້ນທີ່ພະແນກແຮງງານສະ ຫວັດດີການ-ສັງຄົມແຂວງລະ ຫວ່າງ ທ່ານ ປະສົງ ວົງຄຳຈັນ ຫົວໜ້າກົມສັງຄົມສົງເຄາະ ກະຊວງ ຮສສ ແລະ ທ່ານ ຄຣິດ ສະໂຕເຟີ ເຮຣິງ ປະທານ ອົງການ  ສຸພະນິມິດປະຈຳ ສປປ ລາວ, ໂດຍການເຂົ້າຮ່ວມຂອງທ່ານ ຄຳພູນ ຕຸໄພທູນ ຮອງເຈົ້າ ແຂວງ ສະຫວັນນະເຂດ ເຊິ່ງໂຄງການດັ່ງກ່າວໄດ້ມີເປົ້າໝາຍສ້າງ ກິດຈະກຳຕ່າງໆຄື: ໂຄສະນາປຸກລະດົມ ໃຫ້ຄວາມ ຮູ້ກ່ຽວກັບ ການປົກປ້ອງເດັກຈາກຄວາມ ສ່ຽງໂດຍສະເພາະການໃຊ້ ຄວາມຮຸນແຮງພາຍໃນຄອບຄົວຕໍ່ເດັກ ແລະ ສັງຄົມອ້ອມຂ້າງ (ການເວົ້າຈາສິງບໍ່ດີ, ຂົ່ມເຫງ ແລະ ນຳໃຊ້ກຳລັງ), ອົບຮົມໃຫ້ ພໍ່ແມ່ເດັກໄດ້ລ້ຽງລູກແບບສ້າງ ສັນ ແລະ ໃຫ້ການແນະນຳຊ່ວຍເຫລືອປຶກສາຫາລືຕໍ່ຄອບ ຄົວທີ່ຢູ່ໃນກຸ່ມສ່ຽງ ແລະ ອື່ນໆ, ພວມເລັ່ງໃສ່ເສີມສ້າງ ທັກສະເພື່ອຫລຸດຜ່ອນທຸກຮູບແບບການນຳໃຊ້ຄວາມຮຸນແຮງ, ຊ່ວຍເຫລືອຄອບຄົວ ແລະ ຜູ້ປົກຄອງໃຫ້ມີ ຄວາມເຂົ້າໃຈໂດຍສະເພາະວຽກງານລຶບລ້າງການໃຊ້ຄວາມຮຸນແຮງຕໍ່ເດັກ-ໄວໜຸ່ມ ແລະ ປ້ອງກັນການຄ້າມະນຸດ ໃຫ້ມີປະສິດທິຜົນ.