ກຽມຈັດແຂ່ງຂັນເທຄວັນໂດຮຸ່ນເຍົາວະຊົນ ຄັ້ງທີ 8
ສະຫະພັນກິລາເທຄວັນໂດແຫ່ງຊາດ ກຽມຈັດການແຂ່ງຂັນກິລາເທຄວັນໂດ ຮຸ່ນເຍົາວະຊົນ ຊີງຂັນປະທານສະຫະພັນກິລາເທຄວັນໂດແຫ່ງຊາດ ຄັ້ງທີ 8 ທີ່ນະຄອນຫລວງວຽງຈັນ ໃນກາງເດືອນມີນານີ້ ເພື່ອເປັນການສົ່ງເສີມໃຫ້ເຍົາວະຊົນໄດ້ເຄື່ອນໄຫວ ແລະ ແຂ່ງຂັນກັນ.
ການແຂ່ງຂັນຈະຈັດຂຶ້ນໃນວັນທີ 16 ມີນານີ້ ທີ່ເດີ່ນໃນຮົ່ມບູຢອງ (ດົງໂດກ) ນະຄອນຫລວງວຽງຈັນ ເຊິ່ງມີທັງໝົດ 5 ຮຸ່ນ ປະກອບມີ ຮຸ່ນອາຍຸ 8 ປີ ຍິງ-ຊາຍ ແຂ່ງຂັນຮຸ່ນນ້ຳໜັກດຽວກັນ ກຳນົດແຕ່ປີ 2011 ຂຶ້ນໄປ ມີ 5 ຮຸ່ນນ້ຳໜັກຍິງ-ຊາຍຄື: ນ້ຳໜັກ 20 ກິໂລ, 23 ກິໂລ, 27 ກິໂລ, 30 ກິໂລ ແລະ 30 ກິໂລຂຶ້ນໄປ; ຮຸ່ນອາຍຸ 10 ປີຍິງ-ຊາຍ ແຂ່ງຂັນຮຸ່ນນ້ຳໜັກດຽວກັນ ກຳນົດໃນປີ 2009 ຂຶ້ນໄປມີ 7 ປະເພດຄື: ປະເພດນ້ຳໜັກ 20 ກິໂລ, 23 ກິໂລ, 27 ກິໂລ, 30 ກິໂລ, 33 ກິໂລ, 36 ກິໂລ ແລະ 36 ກິໂລຂຶ້ນໄປ; ຮຸ່ນອາຍຸ 12 ປີຍິງ-ຊາຍ ແຂ່ງຂັນຮຸ່ນນ້ຳໜັກດຽວກັນ ກຳນົດໃນປີ 2007 ຂຶ້ນໄປມີ 7 ຮຸ່ນນ້ຳໜັກຄື: ນ້ຳໜັກ 28 ກິໂລ, 31 ກິໂລ, 34 ກິໂລ, 37 ກິໂລ, 40 ກິໂລ, 44 ກິໂລ ແລະ 44 ກິໂລຂຶ້ນໄປ; ຮຸ່ນອາຍຸ 15 ປີຍິງ-ຊາຍ ແຂ່ງຂັນຮຸ່ນນ້ຳໜັກດຽວກັນ ກຳນົດໃນປີ 2004 ຂຶ້ນໄປ ມີ 7 ຮຸ່ນນ້ຳໜັກຄື: ນ້ຳໜັກ 36 ກິໂລ, 39 ກິໂລ, 42 ກິໂລ, 45 ກິໂລ, 48 ກິໂລ, 51 ກິໂລ ແລະ 51 ກິໂລຂຶ້ນໄປ ແລະ ຮຸ່ນອາຍຸ 17 ປີຍິງ-ຊາຍ ກຳນົດໃນປີ 2002 ຂຶ້ນໄປ ມີ 8 ຮຸ່ນນ້ຳໜັກ ແບ່ງອອກເປັນ 2 ປະເພດ ປະກອບມີປະເພດຍິງ ນ້ຳໜັກ 42 ກິໂລ, 44 ກິໂລ, 46 ກິໂລ, 49 ກິໂລ, 52 ກິໂລ, 55 ກິໂລ, 59 ກິໂລ, 62 ກິໂລ ແລະ 62 ກິໂລຂຶ້ນໄປ ແລະ ປະເພດຊາຍນ້ຳໜັກ 45 ກິໂລ, 48 ກິໂລ, 51 ກິໂລ, 55 ກິໂລ, 59 ກິໂລ, 63 ກິໂລ, 68 ກິໂລ, 74 ກິໂລ ແລະ 74 ກິໂລຂຶ້ນໄປ. ນອກຈາກນັ້ນ ຍັງມີປະເພດປຸ່ມເຊ້ ໃນ 2 ຮຸ່ນຄື: ຮຸ່ນອາຍຸ 12 ປີ ແລະ ຮຸ່ນອາຍຸ 15 ປີ.
ສຳລັບການແຂ່ງຂັນຄັ້ງນີ້ ຫາກທ່ານໃດ ແລະ ສະໂມສອນໃດສົນໃຈຢາກສົ່ງນັກກິລາເຂົ້າຮ່ວມ ສາມາດພົວພັນໄດ້ທີ່ເບີໂທ 020 28003000 ແລະ 020 56362333 ຫລື ອີເມວ: laotkd2012@hotmail.com.
