ລາວໂຕໂຍຕ້າ ເຂົ້າຮ່ວມວາງສະແດງລົດໃນງານ Vientiane Motor Show
ງານວາງສະແດງລົດໄດ້ຈັດຂຶ້ນຢ່າງເປັນທາງການໃນວັນທີ 22 ກຸມພາ ຫາວັນທີ 2 ມີນານີ້ ທີ່ສູນການຄ້າລາວ-ໄອເຕັກ ເຊິ່ງມີຫລາຍບໍລິສັດຈຳໜ່າຍລົດຍີ່ຫໍ້ຕ່າງໆທັງພາຍໃນ ແລະຕ່າງປະເທດ ນຳເອົາລົດຫລາຍກວ່າ 100 ຮຸ່ນເຂົ້າຮ່ວມວາງສະແດງ ແລະຈຳໜ່າຍ. ໜຶ່ງໃນນັ້ນມີ ບໍລິສັດ ລາວໂຕໂຢຕ້າ ບໍລິການ ຈຳກັດ ກໍໄດ້ເຂົ້າຮ່ວມໃນງານນີ້ດ້ວຍ.
ຜູ້ຊ່ວຍ ຜູ້ຈັດການໃຫຍ່ຝ່າຍການຂາຍຂອງ ບໍລິສັດດັ່ງກ່າວ ໃຫ້ຮູ້ວ່າ: ບໍລິສັດຂອງຕົນເປັນຕົວແທນຈຳໜ່າຍລົດຍີ່ຫໍ້ ໂຕໂຢຕ້າ ທຸກລຸ້ນ ແລະການບໍລິການເບິ່ງແຍງຮັກສາສະພາບລົດ ເຊິ່ງມີສຳນັກງານໃຫຍ່ຕັ້ງຢູ່ ບ້ານ ທົ່ງຕູມ ເມືອງຈັນທະບູລີ ແລະມີສາຂາໜຶ່ງຢູ່ ບ້ານນາແຮ່ ເມືອງສີໂຄດຕະບອງ. ການເຂົ້າຮ່ວມວາງສະແດງລົດໃນງານ Ventiane Motor Showຄັ້ງນີ້, ແມ່ນຄັ້ງທຳອິດຂອງບໍລິສັດ ເພື່ອສ້າງສີສັນ ແລະຄວາມຫລາກຫລາຍໃຫ້ງານມີບັນຍາກາດຟົດຟື້ນ, ທັງເປັນການສົ່ງເສີມໃຫ້ລູກຄ້າທີ່ເປັນເຈົ້າຂອງລົດ ສຳຜັດລົດຕົວຈິງ ໃນຕະຫລອດໄລຍະຂອງງານວາງສະແດງຮ້ານພວກເຮົາແມ່ນມີສ່ວນຫລຸດພິເສດໃຫ້ລູກຄ້າທີ່ຊື້ລົດຄື: ຮັບແຫວນຄຳ 1 ສະຫລຶງ, ຮັບສ່ວນຫລຸດເຖິງ 8 ລ້ານກີບ, ຮັບບັດເຕີມນໍ້າມັນຈຳນວນ 5 ແສນກີບ, ຮັບປະກັນໄພຈາກ ອີໂຄ່, ອຸປະກອນສຸກເສີນ 1 ຊຸດ ແລະກະເປົາເດີນທາງໜຶ່ງໜ່ວຍ. ນອກຈາກນີ້ ໃນງານດັ່ງກ່າວນີ້ຍັງມີບໍລິການ ລູກຄ້າທີ່ຕ້ອງການລົດໃໝ່ ກໍສາມາດເອົາລົດເກົ່າມາແລກປ່ຽນເອົາໄດ້ ແລະສາມາດຜ່ອນລົດດ້ວຍດອກເບ້ຍ 0% ອີກດ້ວຍ./
