ຄູຝຶກຫວຽດນາມຢືນຢັນຂໍຄຸມຊຸດດຽວ
February 22, 2019 - 4:51 PM
ປາກ ຮັງຊຽວ ຄູຝຶກຊາວ ສ.ເກົາຫລີ ຂອງທີມຊາດຫວຽດນາມ ລະບຸວ່າ: ລາວຕ້ອງການຕັ້ງສະມາທິຄຸມທີມດາວທອງພຽງທີມດຽວລະຫວ່າງຊຸດໃຫຍ່ ຫລື ຊຸດ 23 ປີ.
ປາກ ຮັງຊຽວ ຜູ້ພາຫວຽດນາມຊຸດໃຫຍ່ ຄວ້າແຊ້ມເອເອັຟເອັຟ ຊູຊຸກິ ຄັບ 2018 ພ້ອມເຂົ້າຮອບ 8 ທີມ ເອຊຽນຄັບ 2019 ກ່າວວ່າ: ລາວຕ້ອງການເລືອກ ແລະ ເນັ້ນໜັກພຽງທີມດຽວໃນປີນີ້.
“ຖ້າຂ້ອຍຄຸມທີມຊຸດໃຫຍ່ ຂ້ອຍຈະເນັ້ນໃສ່ການກຽມບານໂລກ 2022 ຮອບຄັດເລືອກ ແລະ ຖ້າຂ້ອຍຄຸມທີມ 23 ປີ ຂ້ອຍຈະມຸ່ງໃສ່ເອຊຽນເກມ 2021”.
ສັນຍາຂອງຄູຝຶກ ປາກ ຮັງຊຽວ ໄວ 60 ປີ ທີ່ເຊັນກັບສະຫະພັນບານເຕະຫວຽດນາມ (VFF) ລະບຸວ່າ: ຕ້ອງຄຸມທັງ 2 ທີມ ຄືທີ່ເກີດຂຶ້ນໃນປີ 2018. ເຖິງຢ່າງໃດກໍຕາມ VFF ພ້ອມຈະມາເຈລະຈາອີກຄັ້ງ ເມື່ອ ປາກ ຮັງຊຽວ ບໍ່ຕ້ອງການຄຸມຄວບ.
