9 ນັກໂທດປະຫານຍິງໜ້າຕາງາມ
ສຳລັບ 9 ນັກໂທດປະຫານຍິງທີ່ໜ້າຕາສວຍງາມ, ພວກນາງເປັນນັກໂທດທີ່ກໍ່ຄະດີໃນປະເທດຈີນ ແລະ ຕ້ອງຮັບໂທດຕາມກົດໝາຍທີ່ມີຜົນລົງໂທດຮຸນແຮງ, ມາເບິ່ງວ່າມີຄະດີຫຍັງແດ່ທີ່ເຮັດໃຫ້ພວກນາງຖືກໂທດປະຫານ.
ນາງ ເຫຣິນ ຊູ ຍິງສາວອາຍຸ 19 ປີ (ບາງແຫລ່ງລະບຸ 21 ປີ) ຖືກປະຫານ ຫລັງກໍ່ເຫດຄາດຕະກຳລູກສາວຂອງນາຍຈ້າງທີ່ບັງຄັບນາງໃຫ້ຮ່ວມປົກປິດການຫລີກລ່ຽງພາສີ.
ນາງ ຫລິວຈິນເຟິງ ຍິງສາວອາຍຸ 20 ປີ ຖືກຕັດສິນປະຫານຊີວິດໃນຄະດີຄາດຕະກຳຜົວ, ແຕ່ປະຫວັດຂອງນາງໜ້າເສົ້າ ເພາະນາງຖືກພໍ່ທຸບຕີມາຕະຫລອດ. ຈາກນັ້ນກໍຖືກຂາຍໃຫ້ຜູ້ຊາຍແປກໜ້າຫລາຍຄົນ ຈົນມາຢູ່ກັບຜົວຄົນຫລ້າສຸດທີ່ທໍລະມານນາງຢ່າງໜັກ ແລະ ຍັງຖືກຂົ່ມຂືນຈາກພີ່ນ້ອງຂອງຜົວ. ໃນທີ່ສຸດນາງທົນບໍ່ໄຫວຈຶ່ງໄດ້ຂ້າຜົວຈົນນຳມາສູ່ການຕັດສິນປະຫານຊີວິດ.
ນາງ ເຖົາຈິງ ຍິງສາວອາຍຸ 20 ປີ ຖືກຕັດສິນປະຫານຊີວິດຄະດີລັກລອບຂົນຢາເສບຕິດ ເຊິ່ງເປັນຢາເສບຕິດຂອງຄົນຮັກ, ແຕ່ນາງຕ້ອງມາຮ່ວມຮັບໂທດ.
ນາງ ເຟິງກຸຍຈຽງ ອາຍຸ 21 ປີ ຖືກຕັດສິນປະຫານຊີວິດໂດຍການຍິງເປົ້າພ້ອມກັບນາງ ເຖົາຈິງ ໃນຄະດີລັກລອບຂົນຢາເສບຕິດເຊັ່ນດຽວກັນ.
ນາງ ສົງດານ ຍິງສາວຜູ້ເຄາະຮ້າຍທີ່ເຕີບໃຫຍ່ມາພ້ອມກັບສະພາບຄອບຄົວທີ່ກົດຂີ່ຂູດຮີດນາງ, ອາຍຸ 13 ປີ ນາງຖືກຄູຂົ່ມຂືນ ແລະ ພາຍຫລັງກໍຖືກພີ່ນ້ອງຂົ່ມຂືນອີກ ເຮັດໃຫ້ນາງກາຍເປັນຄົນໃຈແຕກ ຈົນມາກໍ່ເຫດລັກພາຕົວ ແລະ ຄາດຕະກຳຄົນຮັກ, ນາງຖືກຕັດສິນປະຫານຊີວິດໃນອາຍຸ 18 ປີ.
ນາງ ຫລາຍເສິງຈຽນ ຮ່ວມກັບຊູ້ຂອງນາງຄາດຕະກຳຜົວຕົນເອງ ເຮັດໃຫ້ນາງຖືກໂທດປະຫານຊີວິດໂດຍການຍິງເປົ້າ.
ນາງ ຫລິວຍີປິງ ຍິງສາວອາຍຸ 23 ປີ ເຈົ້າຂອງທຸລະກິດຕົວແທນຈຳໜ່າຍປີ້ເຮືອບິນ ຖືກດຳເນີນຄະດີຂ້ໍຫາສໍ້ໂກງຊັບ ຈົນເຮັດໃຫ້ຖືກຕັດສິນໂທດປະຫານຊີວິດ ເພື່ອເປັນການສົ່ງສັນຍານເຕືອນໃຫ້ເຫັນເຖິງການປາບປາມຄະດີສ້າງຄວາມເສຍຫາຍທາງເສດຖະກິດຢ່າງຈິງຈັງຂອງລັດຖະບານ.
ນາງ ຕົງຢິງ ຖືກຕັດສິນປະທານຊີວິດໃນຄະດີປຸ້ນຊັບ, ຄອບຄອງອາວຸດ ແລະ ລູກປືນ ເຊິ່ງນາງຮ່ວມກັບພັກພວກຫລອກເຫຍື່ອໄປວາງຢາກ່ອນຈະປຸ້ນຊັບ.
ນາງ ຫລິວຢູ ນາງຖືກກີດກັ້ນຈາກຄອບຄົວຂອງຄົນຮັກ, ນາງຈຶ່ງຫລອກລວງຄົນຮັກມາຂ້າ ກ່ອນຈະຂ້າຕົວຕາຍຕາມ, ແຕ່ຕຳຫລວດຈັບກຸມນາງໄດ້ກ່ອນ.
