ຣິນ ມາດຣິດ ຄວ້າແຊ໊ມລາລີກາ ສະເປນ ຄັ້ງທຳອິດໃນຮອບ 5 ປີ

ການແຂ່ງຂັນບານເຕະ ລາລີກາ ສະເປນ ລະດູການ 2016-17 ປະຈຳວັນທີ 21 ພຶດ ສະພາຜ່ານມາ ເປັນການພົບກັນ ໃນຄູ່ລະຫວ່າງ ມາລາກາ ເປີດສະ ໜາມ ເອສຕາດິໂອດາ ໂຣຊາເລ ດາ ພົບກັບ ຣິນ ມາດຣິດ ທີມຜູ້ ນຳທີ່ຫາກຄວ້າ 3 ຄະແນນ ຈະ ຄວ້າແຊ໊ມລາລີກາທັນທີ.

ເປີດສາກການແຂ່ງຂັນເວ ລາທຳອິດພຽງ 2 ນາທີ ຣິນ ມາດຣິດ ໄດ້ປະຕູອອກນຳ 1-0 ຈາກຈັງຫວະ ອິສໂກ ສົ່ງບານໃຫ້ ໂຣນັນໂດ ຫຼຸດດ່ຽວກ່ອນລາກ ບານໜີ ກາເມນີ ຍິງງ່າຍໆເຂົ້າປະ ຕູໄປ. ເຈົ້າຖິ່ນເລີ່ມຕັ້ງຫຼັກໄດ້ບຸກ ເຂົ້າໃສ່ຢ່າງບໍ່ຍັ້ງ ແລະ ເກືອບໄດ້ ປະຕູສອງຄັ້ງໃນນາທີ 13 ຊານ ໂດຣ ຍິງໄປຕິດເຊບ ນາບາສ ກ່ອນຈະມາໄດ້ຟຣີຄິກນາທີ 20 ຊານໂດຣ ປັ່ນໄປຕິດເຊບ ນາ ບາສ ປ້ອງກັນໄວ້ໄດ້ອີກຄັ້ງ. ກ່ອນຈະຈົບເຄິ່ງເວລາທຳອິດໄປດ້ວຍປະຕູນີ້.

ເຂົ້າສູ່ເຄິ່ງເວລາທີສອງນາ ທີ 55 ຣິນ ມາດຣິດ ມາໄດ້ປະ ຕູໜີຫ່າງ 2-0 ຈາກລູກເຕະແຈ ໂຄຣສ ເປີດບານໃຫ້ກັບ ຣາມອສ ຍິງຕິດປ້ອງກັນ ແຕ່ບານມາເຂົ້າ ທາງ ເບນເຊມາ ຍິງເນັ້ນໆເຂົ້າປະ ຕູໄປ. ຈາກນັ້ນ ຣິນ ມາດຣິດ ຄຸມ ສະຖານະການໄວ້ໄດ້ໝົດ ຈົບ ການແຂ່ງຂັນ ຣິນ ມາດຣິດ ບຸກ ຊະນະ ມາລາກາ 2-0 ເຮັດໃຫ້ ໜີຫ່າງອັນດັບ 2 ຢ່າງ ບາເຊໂລ ນາ ຄວ້າແຊ໊ມລາລີກາ ສະເປນ ໄປຄອງ ເປັນສະໄໝທີ 33 ແລະ ເປັນຄັ້ງທຳອິດນັບຕັ້ງແຕ່ລະດູ ການ 2011-12.

+ ທຳນຽບແຊ໊ມລີລາກາ

– 33 ສະໄໝ: ຣິນ ມາດຣິດ.

– 24 ສະໄໝ: ບາເຊ ໂລນາ.

– 10 ສະໄໝ: ແອັດເລຕິໂກ ມາດຣິດ.

– 8 ສະໄໝ: ແອັດເລຕິກ ບິນເບົາ.

– 6 ສະໄໝ:ບາເລນເຊຍ.

https://www.youtube.com/watch?v=Ypqlh4ORIXE