ສິງກະໂປຮັບນັກທ່ອງທ່ຽວກວ່າ 18 ລ້ານຄົນໃນປີຜ່ານມາ
February 14, 2019 - 4:47 PM
ຄະນະກຳມະການການທ່ອງທ່ຽວສິງກະໂປ (STB) ລາຍງານໃນວັນທີ 13 ກຸມພາວ່າ: ປະເທດຕົນຕ້ອນຮັບນັກທ່ອງທ່ຽວສູງສຸດເປັນປະຫວັດສາດ 18,5 ລ້ານຄົນໃນປີຜ່ານມາ ເພີ່ມຂຶ້ນ 6,2% ຈາກປີກ່ອນໜ້າ ເນື່ອງຈາກມີນັກເດີນທາງຈຳນວນຫລາຍຂຶ້ນຈາກຕະຫລາດໃຫຍ່ ຄືຈີນ ແລະ ອິນເດຍ.
ທັງນີ້ ນັກທ່ອງທ່ຽວຈາກຈີນ ເຊິ່ງເປັນຕະຫລາດໃຫຍ່ທີ່ສຸດຂອງສິງກະໂປມາທ່ຽວເພີ່ມຂຶ້ນ 6% ບັນລຸ 3,4 ລ້ານຄົນ, ຂະນະທີ່ນັກເດີນທາງຈາກອິນເດຍເພີ່ມຂຶ້ນ 13% ບັນລຸ 1,4 ລ້ານຄົນ.
ເຖິງຢ່າງໃດກໍຕາມ, ລາຍຮັບຈາກການທ່ອງທ່ຽວເພີ່ມຂຶ້ນພຽງ 1% ຢູ່ມາ 2,71 ໝື່ນລ້ານສິງກະໂປ ໃນປີຜ່ານມາ, ຂະຫຍາຍຕົວຊ້າລົງຈາກຂະຫຍາຍຕົວ 4% ໃນປີກ່ອນໜ້າ ເນື່ອງຈາກນັກທ່ອງທ່ຽວໃຊ້ຈ່າຍຊື້ສິນຄ້າປະເພດຂອງຂວັນ ແລະ ຂອງທີ່ລະນຶກໜ້ອຍລົງ.
