ບັງກະລາເທດຢຶດຢາເສບຕິດ ໄດ້ຫລາຍເປັນປະຫວັດສາດ
February 11, 2019 - 5:53 PM
ເຈົ້າໜ້າທີ່ບັງກະລາເທດຖະແຫລງໃນວັນທີ 10 ກຸມພານີ້ ກໍລະນີຢຶດຢາບ້າໄດ້ຫລາຍເປັນປະຫວັດສາດເຖິງ 53 ລ້ານເມັດ ໃນປີ 2018 ເພີ່ມຂຶ້ນ 33% ເມື່ອທຽບໃສ່ປີກ່ອນ ທ່າມກາງການປາບປາມການຄ້າຢາເສບຕິດທົ່ວປະເທດ.
ເຈົ້າໜ້າທີ່ກ່າວວ່າ: ຜູ້ຕ້ອງສົງໄສຄ້າຢາເສບຕິດເກືອບ 300 ຄົນຖືກສັງຫານໃນປີຜ່ານມາ ແລະ ຢືນຢັນວ່າປະຕິບັດການປາບປາມໄດ້ຜົນຈາກຕົວເລກການຢຶດຢາເສບໄດ້ຈຳນວນຫລາຍ, ແຕ່ກຸ່ມສິດທິກ່າວວ່າ: ການສັງຫານພວກຄ້າຢາເສບຕິດບໍ່ໄດ້ສົ່ງຜົນກະທົບຕໍ່ການຄ້າຢາຜິດກົດໝາຍ. ສຳນັກງານປ້ອງກັນ ແລະ ປາບປາມຢາເສບຕິດບັງກະລາເທດ ຖະແຫລງວ່າ: ຕົວເລກດັ່ງກ່າວເປັນຜົນມາຈາກປະຕິບັດການກວາດລ້າງຢາເສບຕິດທົ່ວປະເທດ, ຖືເປັນຕົວເລກສູງທີ່ສຸດໃນຮອບປີ.
