ທົ່ວເມືອງຊານໄຊ ແຂວງອັດຕະປື ປະກາດບ້ານວັດທະນະທຳໄດ້ແລ້ວ 20 ບ້ານ
ໂດຍ: ຄຳພຸດ ເທບພະນົມ
ແຫລ່ງຂ່າວທ້ອງຖິ່ນໃຫ້ຮູ້ວ່າ: ເມືອງຊານໄຊ ແຂວງ ອັດຕະປື ສູ້ຊົນສ້າງບ້ານ ວັດທະນະທຳໄດ້ແລ້ວຈຳນວນ 20 ບ້ານ ຕາມທິດທາງ ນະໂຍບາຍຂອງພັກ-ລັດຖະບານ. ຫຼ້າສຸດວັນທີ 4 ກຸມພານີ້ ໄດ້ມີການປະກາດເປັນບ້ານວັດທະນະທຳບ້ານທີ 20 ຂຶ້ນຊື່ວ່າ “ບ້ານດາກ ຂະໜາດ” ໂດຍການເຂົ້າ ຮ່ວມຂອງ ທ່ານ ນາງ ບຸນ ນານ ບຸນນະແສງ ຫົວໜ້າພະແນກຖະແຫລງຂ່າວ, ວັດ ທະນາທຳ ແລະ ທ່ອງທ່ຽວ ແຂວງ ພ້ອມດ້ວຍອຳນາດການປົກຄອງ ແລະ ປະຊາຊົນພາຍໃນບ້ານດັ່ງກ່າວເຂົ້າ ຮ່ວມຈຳນວນຫຼາຍ.
ບ້ານດາກຂະໜາດ ຕັ້ງຫ່າງຈາກເທສະບານ ເມືອງ ຊານໄຊ ໄປທາງທິດຕາເວັນ ອອກປະມານ 38 ກິໂລແມ້ດ ສ້າງຕັ້ງຂຶ້ນໃນປີ 1963 ດ້ວຍການທ້ອນໂຮມເອົາບັນດາ ຄອບຄົວທີ່ກະແຈກກະຈາຍ ໃຫ້ເປັນບ້ານດຽວ ປັດຈຸບັນມີ 95 ຄອບຄົວ, ພົນລະເມືອງ ທັງໝົດ 487 ຄົນ, ເຊິ່ງລ້ວນ ແຕ່ເປັນເຜົ່າຕຣຽງ 100%. ເປັນບ້ານທີ່ມີມູນເຊື້ອດຸໝັ່ນ ຂະຫຍັນພຽນໃນການສ້າງ ຢູ່ທຳກິນ, ຮັກເຊື້ອແພງຊາດ ມີຮີດຄອງ ແລະ ວັດທະນະທຳອັນດີງາມຂອງລາວ ແລະ ມີຄວາມຫ້າວຫັນໃນການສູ້ ຊົນສ້າງສາພັດທະນາ.
ໃນໂອກາດນີ້ທ່ານ ຫົວໜ້າພະແນກໄດ້ຕີລາຄາສູງ ຕໍ່ຄວາມພະຍາຍາມຂອງອົງການຈັດຕັ້ງທຸກຂັ້ນທີ່ກ່ຽວ ຂ້ອງມີສ່ວນຮ່ວມ ແລະ ຊຸກຍູ້ສ້າງໂອກາດໃຫ້ບ້ານ ດາກ ກະໜາດພັດທະນາຕົນເອງ ຈົນກາຍເປັນບ້ານແບບຢ່າງຫລາຍດ້ານເຊັ່ນ: ບ້ານປອດຄະດີ, ບ້ານ ສາທາລະນະສຸກ, ບ້ານ ປອດຢາເສບຕິດ, ບ້ານ ຊາວໜຸ່ມ 4 ບຸກ, ບ້ານແມ່ຍິງ 3 ດີ, ບ້ານລົບລ້າງການກືກໜັງສືຈົບມັດທະຍົມຕົ້ນ, ລົບລ້າງຄອບຄົວທຸກຍາກມາ ຮອດປັດຈຸບັນ ຍັງເຫລືອພຽງ 8 ຄອບຄົວ. ນອກນີ້ຍັງ ສຳເລັດການຮັບຮອງແຜນປະກາດເປັນໜ່ວຍພັກແຂງ-ຮູ້ນຳພາຮອບດ້ານຕາມແນວທາງຂອງພັກ-ລັດ ເພື່ອເປັນ ການປະກອບສ່ວນສ້າງຊົນນະບົດໃຫ້ມີການພັດທະນາ ຮອບດ້ານກ້າວໄປເຖິງການ ລົບລ້າງຄວາມທຸກຍາກໃຫ້ ໝົດໄປເທື່ອລະກ້າວ./.
