ອາຊາ ກຽມແຈ້ງ ເຊລຊີ ຍ້າຍຢູ່ ຣີລ ມາດຣິດ
ເອແດັນ ອາຊາ ປີກຄົນເກັ່ງຂອງ ເຊລຊີ ສະໂມສອນຍັກໃຫຍ່ແຫ່ງ ພຣີເມຍລີກ ອັງກິດ ກຽມຈະແຈ້ງຕໍ່ຕົ້ນສັງກັດວ່າລາວຢາກຍ້າຍໄປຢູ່ກັບ ຣີລ ມາດຣິດ ໃນຊຳເມີ້ນີ້.
ອະນາຄົດຂອງ ອາຊາ ເປັນບັນຫາທີ່ຫລາຍຄົນໃຫ້ຄວາມສົນໃຈໃນໄລຍະຜ່ານມາ ຫລັງຈາກລາວຈະໝົດສັນຍາກັບທີມໃນຊຳເມີ້ປີໜ້າ ແຕ່ພັດຍັງບໍ່ມີການເຊັນຂໍ້ຕົກລົງສະບັບໃໝ່ ໂດຍວ່າກັນວ່າ ຣີລ ມາດຣິດ ຢາກໄດ້ລາວໄປຮ່ວມທີມ ເພື່ອໃຫ້ລາວເປັນສະຕາຫລັກໃນແນວບຸກແທນ ຄຣິສເຕຍໂນ ໂຣນັລໂດ້ ເຊິ່ງບອກລາທີມໄປເມື່ອຊຳເມີ້ຜ່ານມາ.
ທັງນີ້ ອາຊາ ເຄີຍໃຫ້ສຳພາດເລື້ອຍໆວ່າ: ລາວໄຝ່ຝັນຈະໄປຫລິ້ນໃຫ້ ຣີລ ມາດຣິດ ມາແຕ່ເດັກແລ້ວ ແຕ່ບອກວ່າຈະຕັດສິນໃຈອະນາຄົດຫລັງຈົບລະດູການນີ້. ເຖິງຢ່າງໃດກໍຕາມ ມີການເປີດເຜີຍວ່າລາວເຄີຍໃຫ້ສຳພາດກັບ ອາຣ໌ເອັມຊີ ສື່ຂອງຝຣັ່ງວ່າ: ດາວເຕະຊາວເບລຢ້ຽມຕັດສິນອະນາຄົດຂອງຕົນເອງໄດ້ແລ້ວ ພຽງແຕ່ບໍ່ໄດ້ບອກວ່າມັນຄືຫຍັງ.
