ເປີດຕົວເສື້ອ ບາເຊໂລນາ ປັກຊື່ພາສາຈີນ
ຖືເປັນແນວຄິດທີ່ດີສຳລັບ ບາເຊໂລນາ ເມື່ອພວກເຂົາຈະໃຫ້ນັກເຕະໃສ່ເສື້ອປັກຊື່ເປັນພາສາຈີນລົງດວນກັບ ຣີລ ມາດຣິດ ວັນທີ 6 ກຸມພານີ້ ເພາະນອກຈາກສະຫລອງກຸດຈີນແລ້ວ ຍັງຫວັງຜົນເລື່ອງການຕະຫລາດນຳອີກ.
ບາເຊໂລນາ ຍອດສະໂມສອນບານເຕະໃນ ລາ ລີກາ ສະເປນ ປະກາດຢືນຢັນວ່າ: ນັກເຕະຂອງພວກເຂົາທຸກຄົນຈະໃສ່ເສື້ອທີ່ປັກຊື່ເປັນພາສາຈີນລົງແຂ່ງກັບ ຣີລ ມາດຣິດ ສະໂມສອນຄູ່ປັບຕະຫລອດການ ໃນ ໂກປາ ເດລ ເຣ ຮອບຮອງຊະນະເລີດ ນັດທຳອິດ ທີ່ສະໜາມຄຳນູ ວັນທີ 6 ກຸມພານີ້ ເພື່ອສະເຫລີມສະຫລອງເທດສະການກຸດຈີນ.
ຖືເປັນຄັ້ງທຳອິດໃນປະຫວັດສາດສະໂມສອນ ບາເຊໂລນາ ທີ່ເຮັດແບບນີ້ ພ້ອມທັງເປັນການພະຍາຍາມຂະຫຍາຍຕະຫລາດໃນພາກພື້ນອາຊີ ໂດຍສະເພາະໃນປະເທດຈີນ ແລະ ຍີ່ປຸ່ນ ເຊິ່ງ ບາຊາ ມີໂປຣແກຣມເດີນທາງໄປເຕະຊ່ວງຊຳເມີ້ນີ້.
