ຜູ້ຈັດການທີມແມນຊິຕີ້ ເຊື່ອວ່າມີ 5 ທີມ ລຸ້ນແຊ້ມພຣີເມຍລີກລະດູການນີ້
February 6, 2019 - 5:00 PM
ເປັບ ກວາດິໂອລາ ຜູ້ຈັດການທີມ ແມນເຊັສເຕີ ຊິຕີ້ ຊາວສະເປນ ອາຍຸ 48 ປີ ກ່າວວ່າ: ສຳລັບການລຸ້ນແຊ້ມ ພຣີເມຍລີກ ລະດູການນີ້ ຍັງເປີດກວ້າງ ຫລັງຈາກ ລິເວີພູລ ສະເໝີສອງນັດລວດ ເຮັດໃຫ້ຊ່ອງຫວ່າງກັບທີມທີ່ຕາມມາຍັງບໍ່ຂາດກັນຫລາຍ ຍັງມີໂອກາດລຸ້ນແຊ້ມ, ເຊື່ອວ່າຄະແນນຫ່າງກັນ 10 ກວ່າຄະແນນ ຍັງມີໂອກາດລຸ້ນແຊ້ມໄດ້ໃນ 13 ນັດທີ່ເຫລືອ. ສະນັ້ນ ເຮົາບໍ່ສາມາດຕັດ ແມນຢູ, ເຊລຊີ ແລະ ສະເປີ ອອກຈາກການລຸ້ນແຊ້ມ ເພາະນັດທີ່ເຫລືອບໍ່ງ່າຍສຳລັບທຸກທີມ ລຸ້ນກັນມ່ວນຈົນເຖິງທ້າຍລະດູການແນ່ນອນ.
ປັດຈຸບັນ ລິເວີພູລ ມີ 62 ຄະແນນ ຈາກ 25 ນັດ, ນຳອັນດັບ 2 ແມນຊິຕີ້ ແຊ້ມເກົ່າ 3 ຄະແນນ, ນຳອັນດັບ 3 ສະເປີ 5 ຄະແນນ, ນຳອັນດັບ 4 ເຊລຊີ 12 ຄະແນນ ແລະ ນຳອັນດັບ 5 ແມນຢູ 14 ຄະແນນ.
