ໂຈເຊ້ ມູຣິນໂຢ ຮັບໂທດຕິດຄຸກ ຄະດີໜີພາສີ
ໂຈເຊ້ ມູຣິນໂຢ ອະດີດຜູ້ຈັດການທີມແມນເຊັສເຕີ ຢູໄນເຕັດ, ເຊລຊີ, ຣີລ ມາດຣິດ, ອິນເຕີ ມິລານ ແລະ ເອັຟຊີ ປໍຣໂຕ້ ຍອມຮັບໂທດຕິດຄຸກ 1 ປີ ຈາກຄະດີໜີພາສີທີ່ສະເປນ ສະໄໝຄຸມ ຣີລ ມາດຣິດ ປີ 2011-2012 ພ້ອມຖືກປັບໄໝ 2,2 ລ້ານເອີໂຣ, ແຕ່ ມູຣິນໂຢ ບໍ່ນອນໃນຄຸກກໍໄດ້ ພຽງແຕ່ຈ່າຍຄ່າປັບໄໝ 1 ແສນກວ່າເອີໂຣ ເພາະຕາມກົດໝາຍສະເປນ ຄະດີຕິດຄຸກບໍ່ຮອດ 2 ປີ ບວກກັບບໍ່ເຄີຍເຮັດຜິດມາກ່ອນ ຈຶ່ງສາມາດປະກັນຕົວອອກໄດ້ ແຕ່ຖືກລົງອາຍາໄວ້.
ໂຈເຊ້ ມູຣິນໂຢ ຫລີກລ່ຽງພາສີໃນສະເປນ ສະໄໝຄຸມ ຣີລ ມາດຣິດ ປີ 2011-2012 ຈຳນວນ 3,3 ລ້ານເອີໂຣ ເຊິ່ງເຈົ້າໜ້າທີ່ກວດພົບວ່າ: ມູຣິນໂຢ ເຊື່ອງອຳລາຍໄດ້ ແລະ ບອກຕົວເລກບິດເບືອນຄວາມຈິງ. ກ່ອນໜ້ານີ້ ມີນັກເຕະຊື່ດັງຫລາຍຄົນຖືກຄະດີດຽວກັນເຊັ່ນ: ຄຣິສເຕຍໂນ ໂຣນັລໂດ້, ລີໂອເນລ ເມສຊີ, ຊາບີ ອາລອນໂຊ, ເນມາ ແລະ ມາເຊລໂລ ອິເອຣາ.
