ທ່ານ ທຣຳ ກຽມພົບຜູ້ນຳ ສປປ ເກົາຫລີ ຢູ່ຫວຽດນາມທ້າຍເດືອນກຸມພານີ້
ເວັບໄຊໂປລິຕິໂກລາຍງານວ່າ: ປະທານາທິບໍດີ ໂດນັລ ທຣຳ ຂອງອາເມລິກາ ຈະພົບປະກັບທ່ານ ກິມ ຈ໋ອງອຸນ ຜູ້ນຳ ສປປ ເກົາຫລີ ຢູ່ຫວຽດນາມ ໃນລະຫວ່າງວັນທີ 27-28 ກຸມພານີ້.
ລາຍງານລະບຸວ່າ: ປະທານາທິບໍດີ ທຣຳ ເປີດເຜີຍກຳນົດວັນພົບປະກັນດັ່ງກ່າວຕໍ່ນັກຂ່າວ ແລະ ຄາດວ່າ: ທ່ານຈະຖະແຫລງລາຍລະອຽດກ່ຽວກັບກອງປະຊຸມສຸດຍອດຄັ້ງໃໝ່ໃນລະຫວ່າງການຖະແຫລງນະໂຍບາຍປະຈຳປີຕໍ່ລັດຖະສະພາໃນວັນທີ 6 ກຸມພານີ້, ແຕ່ຍັງບໍ່ແນ່ນອນວ່າກອງປະຊຸມສຸດຍອດຈະຈັດຂຶ້ນຢູ່ເມືອງໃດ.
ກ່ອນໜ້ານີ້, ຜູ້ນຳທັງສອງເຄີຍພົບປະກັນເປັນເທື່ອທຳອິດຢູ່ສິງກະໂປ ໃນວັນທີ 12 ມິຖຸນາປີຜ່ານມາ ແລະ ມີຄວາມກະຕືລືລົ້ນຈະພົບປະກັນອີກເປັນເທື່ອທີສອງ.
ທ່ານ ສຕີເຟນ ບີກັນ ຜູ້ແທນພິເສດອາເມລິກາດ້ານ ສປປ ເກົາຫລີ ກຽມຈະເປີດເຈລະຈາຢູ່ນະຄອນຫລວງພຽງຢາງໃນອາທິດນີ້ ເພື່ອກຽມສຳລັບກອງປະຊຸມສຸດຍອດເທື່ອທີສອງ.
