ໂຮງຮຽນທຸກຍາກ ຢູ່ເມືອງຮົ່ມໄດ້ຮັບເຄື່ອງຊ່ວຍເຫລືອ
ເມື່ອທ້າຍອາທິດຜ່ານມາ, ກະຊວງແຜນການ ແລະ ການລົງທຶນ ໄດ້ນຳເຄື່ອງອຸປະໂພກບໍລິໂພກ ແລະ ອຸປະກອນການຮຽນຈຳນວນໜຶ່ງໄປມອບໃຫ້ໂຮງຮຽນປະຖົມບ້ານ ຫ້ວຍຊາຍ, ໂຮງຮຽນ ມັດທະຍົມຕອນຕົ້ນ ບ້ານ ພູງູ ແລະ ປະຊາຊົນທີ່ທຸກຍາກຂາດເຂີນ ຢູ່ເມືອງຮົ່ມ ແຂວງໄຊສົມບູນ, ເຊິ່ງເຄື່ອງ ທີ່ນໍາໄປມອບຄັ້ງນີ້ ປະກອບມີ: ເຄື່ອງນຸ່ງ, ເກີບ, ປຶ້ມ ແລະ ປະຕິທິນ, ເພື່ອປະກອບສ່ວນ ເຂົ້າໃນວຽກງານການສຶກສາໃນລະດັບເມືອງ ແລະ ທ້ອງຖິ່ນ ໂດຍສະເພາະການດຳ ເນີນກິດຈະກຳການຮຽນ- ການສອນ ເພື່ອການພັດທະນາແບບຍືນຍົງ ແລະ ການສຶກສາຕໍ່ເນື່ອງໃນເມືອງ ແລະ ເພື່ອຊ່ວຍແກ້ໄຂຊີວິດການ ເປັນຢູ່ຂອງເຂົາເຈົ້າໃຫ້ດີຂຶ້ນ. ເຄື່ອງດັ່ງກ່າວ ແມ່ນໄດ້ມາຈາກການລະດົມຈາກ ພາກສ່ວນຕ່າງໆພາຍໃນ ກະຊວງແຜນການ ແລະ ການລົງທຶນ ແລະ ການປະກອບ ສ່ວນຈາກ ກະຊວງແຮງງານ ແລະ ສະຫວັດດີການສັງຄົມ, ກະຊວງສາທາລະນະສຸກ.
ໃນໂອກາດນີ້, ທ່ານ ຮອງເຈົ້າເມືອງຮົ່ມ ໄດ້ສະ ແດງຄວາມຂອບໃຈທຸກພາກສ່ວນ ທີ່ໃຫ້ການຊ່ວຍເຫລືອ ໃນຄັ້ງນີ້, ພ້ອມທັງໃຫ້ຄຳໝັ້ນສັນຍາວ່າ ຈະນຳໃຊ້ ເຄື່ອງຊ່ວຍເຫລືອເຫຼົ່ານີ້ ໃຫ້ ເກີດຜົນປະໂຫຍດສູງສຸດ ເຂົ້າໃນການປັບປຸງ ແລະ ພັດທະນາຄຸນນະພາບການສຶກ ສາໃຫ້ດີຂຶ້ນ./.
