GM ປົດພະນັກງານ 4.000 ຄົນ
ສຳນັກຂ່າວຊີເອັນບີຊີ ແລະ ດີທຣອຍນິວ ລາຍງານອ້າງແຫລ່ງຂ່າວໃກ້ຊິດໃນວັນທີ 1 ກຸມພາວ່າ: ບໍລິສັດເຈນເນີຣັລ ມໍເຕີ (GM) ຜູ້ຜະລິດລົດລາຍໃຫຍ່ທີ່ສຸດຂອງອາເມລິກາ ຈະເລີກຈ້າງພະນັກງານປະມານ 4.000 ຄົນ ນັບແຕ່ວັນທີ 4 ກຸມພາ ຕາມແຜນປັບໂຄງສ້າງອົງການທີ່ປະກາດໃນເດືອນພະຈິກປີກ່ອນ.
ແຫລ່ງຂ່າວເປີດເຜີຍວ່າ: ໃນຈຳນວນດັ່ງກ່າວຈະເປັນພະນັກງານປະຈຳທີ່ເລືອກລາອອກໂດຍສະໝັກໃຈ 2.300 ຄົນ ແລະ ພະນັກງານສັນຍາຈ້າງທີ່ຖືກເລີກຈ້າງ 1.500 ຄົນ.
ໂຄສົກ GM ບໍ່ຂໍເປີດເຜີຍກຳນົດເວລາການເລີກຈ້າງ ໂດຍກ່າວພຽງວ່າ: ຂໍສື່ສານກັບພະນັກງານກ່ອນ.
ໃນທ້າຍປີຜ່ານມາ, GM ປະກາດປິດໂຮງງານ 5 ແຫ່ງ ແລະ ປົດພະນັກງານຫລາຍກວ່າ 14.700 ຄົນຢູ່ອາເມລິກາ ແລະ ການາດາ ໂດຍໃຫ້ເຫດຜົນວ່າເປັນສ່ວນໜຶ່ງຂອງການປັບໂຄງສ້າງການຜະລິດລົດໄປສູ່ລົດໄຟຟ້າ ຫລັງຈາກຍອດຂາຍລົດຊີດານຫລຸດລົງ ແລະ ອຸດສາຫະກຳລົດໄດ້ຮັບຜົນກະທົບຈາກການຕັ້ງກຳແພງພາສີ ລວມທັງມາດຕະການປົກປ້ອງທາງການຄ້າຂອງທ່ານ ໂດນັລ ທຣຳ ປະທານາທິບໍດີອາເມລິກາ.
