ເຊີນເຂົ້າຮ່ວມຝຶກອົບຮົມພາສາບາຮາຊາ ອິນໂດເນເຊຍ ໂດຍບໍ່ເສຍຄ່າ

ໃນປີ 2019ນີ້ ສະຖານທູດອິນໂດເນເຊຍ ປະຈຳລາວ ຈະເປີດສອນຫລັກສູດພາສາບາຮາຊາອິນໂດເນເຊຍ ແລະ ໂດຍຈະເປີດຮຽນຊຸດ ໃໝ່ທໍາອິດ ແຕ່ເດືອນ ມີນາ  ຫາ ເດືອນຕຸລາ 2019ນີ້, ໂດຍບໍ່ເສຍຄ່າໃຊ້ຈ່າຍໃດໆ ຕໍ່ການຝຶກອົບຮົມດັ່ງກ່າວ.

ເພື່ອເພີ່ມທະວີຮັດແໜ້ນ ສາຍພົວພັນຮ່ວມມືລະຫວ່າງ ສາທາລະນະລັດ ອິນໂດເນ ເຊຍ ແລະ ສປປ ລາວແໜ້ນ ແຟ້ນຍິ່ງຂຶ້ນ, ພ້ອມເປັນການ ເຜີຍແຜ່ຄວາມຮູ້, ຄວາມອຸດົມ ສົມບູນທາງດ້ານພາສາ ແລະ ວັດທະນະທໍາ ຂອງອິນໂດເນ ເຊຍ ແລະ ເພື່ອການແລກ ປ່ຽນບົດຮຽນເຊິ່ງກັນ ແລະ ກັນໃນດ້ານການພັດທະນາ ສ້າງສາເສດຖະກິດ-ສັງຄົມຂອງແຕ່ລະປະເທດໄດ້ ເລິກເຊິ່ງ.

ສຳລັບຫ້ອງຮຽນແມ່ນ ຈະແບ່ງອອກເປັນສອງລະ ດັບຄື: ຫ້ອງຮຽນເລີ່ມຕົ້ນ   ແລະ ຫ້ອງຮຽນລະດັບກາງ. ດັ່ງນັ້ນຈຶ່ງຂໍເຊີນຊວນຜູ້ມີ ຄວາມສົນໃຈເຂົ້າຮ່ວມຝຶກ ອົບຮົມດັ່ງກ່າວ, ເຊິ່ງສາມາດເຂົ້າມາລົງທະບຽນດ້ວຍຕົນເອງ, ໄດ້ທີ່ສະຖານທີລົງທະບຽນສະຖານທູດອິນໂດ ເນເຊຍ ຕັ້ງຢູ່ຖະໜົນໄກສອນ ພົມວິຫານ ໃກ້ກັບປະຕູໄຊ  ນະຄອນຫລວງວຽງຈັນແຕ່ ວັນຈັນ-ວັນສຸກ ເວລາ 9:00-16:00 ໂມງ ພ້ອມທັງ ໃຫ້ຖືຮູບຕິດບັດຂະໜາດ 3×4 ມາພ້ອມ 2 ໃບ ສົນໃຈສອບຖາມລາຍລະອຽດ ໂທ 02076755866, ຊ້າສຸດ ບໍ່ໃຫ້ກາຍວັນທີ 7 ມີນາ 2019./.