ໂບຣເນີ ໝັ້ນໃຈຮັບມື ປາກຽວ ໄດ້ແນ່ນອນ
January 17, 2019 - 4:44 PM
ເອດຽນ ໂບຣເນີ ອະດີດແຊ້ມໂລກ 4 ຮຸ່ນ ຊາວສະຫະລັດອາເມລິກາ ມີຄວາມໝັ້ນໃຈໃນຄວາມສາມາດຂອງຕົນເອງວ່າເອົາຊະນະ ແມນນີ ປາກຽວ ໄດ້ຢ່າງແນ່ນອນໃນການຂຶ້ນຊົກຊີງແຊ້ມໂລກເວລເຕີເວດ WBA.
“ຮູບແບບການຊົກຂອງເຮົາຕ່າງກັນ ແຕ່ຂ້ອຍໝັ້ນໃຈວ່າຈະຮັບມື ປາກຽວ ໄດ້, ຂ້ອຍຈະຊຸກລາວອອກໄປ ມັນບໍ່ແມ່ນຄວາມລັບ, ລາວກໍເຄີຍຖືກຊົກລົ້ມຄືກັນ”. ໂບຣເນີ ໃຫ້ສຳພາດລະຫວ່າງການຝຶກຊ້ອມ ຢູ່ຄ້າຍແບຣຣີ.
ໂບຣເນີ ຈະຂຶ້ນຊີງແຊ້ມໂລກຮຸ່ນເວລເຕີເວດຂອງສະມາຄົມມວຍໂລກ (WBA) ຈາກ ແມນນີ ປາກຽວ ແຊ້ມ 8 ຮຸ່ນຈາກຟີລິບປິນ ໃນວັນທີ 20 ມັງກອນນີ້ ນັບແຕ່ເວລາ 9:00 ໂມງ ເປັນຕົ້ນໄປ (ຕາມເວລາປະເທດລາວ) ທີ່ເອັມຈີເອັມ ແກຣນ ລາສເວກັສ.
