ປີທ່ອງທ່ຽວ ເຊກອງສ້າງລາຍຮັບໄດ້ 97 ຕື້ກວ່າກີບ ຈາກນັກທ່ອງທ່ຽວເຂົ້າມາເພີ່ມຂຶ້ນ 7 ພັນກວ່າຄົນ
ໃນປີທ່ອງທ່ຽວລາວ 2018 ຜ່ານມານີ້, ແຂວງ ເຊກອງສາມາດດຶງດູດນັກທ່ອງທ່ຽວເຂົ້າມາທ່ຽວຊົມ ແຂວງຂອງຕົນໄດ້ຫລາຍກວ່າ 57.120 ເທື່ອຄົນເພີ່ມຂຶ້ນ 7 ພັນກວ່າຄົນ ແລະ ທຽບກັບປີ 2017 ສາມາດສ້າງລາຍຮັບໃຫ້ແຂວງໄດ້ຫລາຍ ເຖິງ 97 ຕື້ກວ່າກີບເປັນປະຫວັດການ.
ຫົວຫນ້າພະແນກຖະແຫລງຂ່າວ, ວັດທະນະທຳ ແລະ ທ່ອງທ່ຽວແຂວງ ເຊກອງ ໃຫ້ຮູ້ວ່າ: ຜົນສຳເລັດ ດັ່ງກ່າວໄດ້ມາຈາກທ້ອງຖິ່ນ ໄດ້ເລັ່ງໃສ່ໂຄສະນາການ ທ່ອງທ່ຽວດ້ວຍຫລາຍຮູບການເຊັ່ນຜ່ານວິທະຍຸ, ໂທລະພາບ, ວາລະສານ, ໜັງສືພິມ, ເວບໄຊ ແລະ ສື່ອອນ ລາຍຕ່າງໆ. ພ້ອມຍັງໄດ້ ຜະລິດແຜ່ນພັບ, ປົດສະເຕີ, ໂລໂກ້ການທ່ອງທ່ຽວ, ປ້າຍ ໂຄສະນາ ແລະ ປ້າຍຄຳຂວັນ ຕ່າງໆ. ເພື່ອນຳສະເໜີແຫລ່ງ ທ້ອງທ່ຽວຫລາຍແຫ່ງສຳຄັນໃນແຂວງຂອງຕົນ, ໄປ ຄຽງຄູ່ກັບການຈັດກິດ ຈະກຳຕາງໆເຊັ່ນ: ການຈັດງານວາງສະແດງສິນຄ້າ ຜະລິດຕະພັນການທ່ອງ ທ່ຽວ, ການຈັດຕັ້ງງານບຸນ ປະເພນີຕ່າງໆ ໃຫ້ຕິດພັນກັບການສົ່ງເສີມການທ່ອງ ທ່ຽວເຊິ່ງພົ້ນເດັ່ນກວ່າໝູ່ ແມ່ນງານບຸນປະເພນີເສົາ ຫລັກເມືອງ 10 ເຜົ່າ. ນອກ ນັ້ນບັນດາເມືອງກໍໄດ້ ມີການ ເປີດປີທ່ອງທ່ຽວຄືຢູ່ບ້ານ ກົກພຸງໃຕ້ ເມືອງທ່າແຕງ ແລະ ບ້ານຈະແຫລະ ເມືອງກະລືມ ຂຶ້ນຢ່າງຟົດຟື້ນ.
ປັດຈຸບັນແຂວງ ເຊກອງ ມີແຫລ່ງທ່ອງທ່ຽວທັງໝົດ 38 ແຫ່ງ, ໃນນັ້ນມີແຫລ່ງທ່ອງທ່ຽວທຳມະຊາດ 20 ແຫ່ງ, ປະຫວັດສາດ 9 ແຫ່ງ, ວັດທະນະທຳ 6 ແຫ່ງ ແລະ ແຫລ່ງທ່ອງທ່ຽວດ້ານກະສິກຳ 3 ແຫ່ງ ເຊິ່ງໃນຈໍານວນທັງຫມົດໄດ້ ເປີດນຳໃຊ້ເປັນ ທາງການແລ້ວ 9 ແຫ່ງ ແລະ ອີກ 11 ແຫ່ງ ແມ່ນ ໄດ້ສຳເລັດການສຳຫລວດ ເປັນທີ່ຮຽບຮ້ອຍແລ້ວ,ໂດຍຈະມີການສຳປະທານພັດທະນາຂອງພາກເອກະ ຊົນໃຫ້ຫລາຍຂຶ້ນ./.
