ອິກວາອິນ ຂໍຂຶ້ນບັນຊີຍ້າຍທີມແລ້ວ
ກອນຊາໂລ່ ອິກວາອິນ ກອງໜ້າ ເອຊີ ມິລານ ຕົກເປັນຂ່າວຂໍຂຶ້ນບັນຊີຍ້າຍທີມແລ້ວ ເຫດຢາກຢູ່ກັບ ເຊລຊີ ໃນໜ້າໜາວນີ້ ຫລັງຈາກບໍ່ມີຄວາມສຸກທີ່ຍ້າຍມາຢູ່ກັບ ເອຊີ ມິລານ ແບບຢືມຕົວໃນລະດູການນີ້.
ກອນຊາໂລ່ ອິກວາອິນ ຫົວຫອກ ເອຊີ ມິລານ ສະໂມສອນຍັກໃຫຍ່ແຫ່ງກັລໂຊ່ ເຊເຣຍ ອາ ຕົກເປັນຂ່າວວ່າໄດ້ຂໍຂຶ້ນບັນຊີຍ້າຍທີມແລ້ວ ເນື່ອງຈາກຕ້ອງການຍ້າຍໄປຢູ່ກັບ ເຊລຊີ ສະໂມສອນຍັກໃຫຍ່ແຫ່ງພຣີເມຍລີກ ໃນຊ່ວງເປີດຕະຫລາດຊື້-ຂາຍນັກເຕະໜ້າໜາວນີ້.
ປັດຈຸບັນກອງໜ້າຊາວອາເຈນຕິນາຢູ່ໃນໄລຍະການຢືມຕົວຈາກ ຢູເວນຕຸສ ມາຮ່ວມຖິ່ນຊານ ຊິໂຣ່ ແຕ່ລາວໄດ້ແຈ້ງທາງສະໂມສອນແລ້ວວ່າຕ້ອງການຈະຍ້າຍໄປຫລິ້ນໃຫ້ທີມຂອງ ເມົາຣິຊິໂອ ຊາຣີ ໃນຊ່ວງເຄິ່ງຫລັງຂອງລະດູການນີ້.
ສື່ອັງກິດອ້າງວ່າ: ເຊລຊີ ໄດ້ເຈລະຈາກັບ ຢູເວນຕຸສ ແລ້ວເພື່ອຫາລືເຖິງຄວາມເປັນໄປໄດ້ໃນການເຮັດສັນຍາຢືມຕົວ ອິກວາອິນ ມາຮ່ວມຖິ່ນສະແຕມຟອດ ບຣິດ ເປັນໄລຍະເວລາ 18 ເດືອນ ຫລັງຈາກຂໍ້ສະເໜີຂໍຢືມຕົວ 6 ເດືອນຖືກປະຕິເສດກັບໄປຮຽບຮ້ອຍແລ້ວ.
ໃນເວລານີ້ ເຊລຊີ ຕ້ອງການຄວ້າກອງໜ້າຄົນໃໝ່ມາຮ່ວມທີມ ເນື່ອງຈາກ ອັລບາໂຣ່ ໂມຣາຕ້າ ແລະ ໂອລິວິເຢ ຊິຣູ ຕ່າງບໍ່ຢູ່ໃນແຜນການຂອງ ຊາຣີ ແນ່ນອນແລ້ວ.
