ປະທານໄກສອນ ພົມວິຫານ ຜູ້ປະກາດສ້າງຕັ້ງກອງທັບລາວ ອິດສະຫລະ

(ລະນຶກວັນສ້າງຕັ້ງກອງທັບ ປະຊາຊົນລາວ )

ເມື່ອທວນຄືນກ່ອນໜ້ານີ້ ຄືວັນທີ 20 ມັງກອນ 1949 ແມ່ນມື້ກຳເນີດຂອງ ກອງທັບປະຊາຊົນລາວໃນ  ປັດຈຸບັນ ແລະ ມື້ນັ້ນທ່ານ ປະ ທານ ໄກສອນ ພົມວິຫານ ຜູ້ ບັນຊາ “ກອງລາດຊະວົງ” ໄດ້ຕາງໜ້າໃຫ້ກອງກຳລັງ  ປະກອບອາວຸດປະຕິວັດ ໃນ ທົ່ວປະເທດປະກາດສ້າງຕັ້ງກອງທັບລາວອິດສະຫລະ ຂຶ້ນ ຢ່າງເປັນທາງການ ເຊິ່ງໄດ້  ສ້າງປະຫວັດສາດໜ້າໃໝ່ ໃຫ້ ແກ່ກອງທັບປະຊາຊົນລາວ ທີ່ໄດ້ກຳເນີດ ແລະ ເຕີບ ໃຫຍ່ພາຍໃຕ້ການຊີ້ນຳ- ນຳພາຂອງພັກ.

ໄດ້ຮັບການສຶກສາອົບຮົມຈາກພັກ, ຍິ່ງຕີກໍຍິ່ງມີ ໄຊຊະນະ, ຍິ່ງສູ້ຮົບກໍຍິ່ງ ເຕີບໃຫຍ່ ເຂັ້ມແຂງ, ການປະຕິວັດກ້າວຂຶ້ນຮອດ      ບ່ອນໃດກອງທັບເຮົາກໍຂະ    ຫຍາຍຕົວຮອດບ່ອນນັ້ນ   ແລະ ເປັນກຳລັງຫລັກແຫລ່ງ  ໃຫ້ແກ່ຂະບວນການຕໍ່ສູ້ ຂອງ ປະຊາຊົນເພື່ອຄວາມ ເປັນເອກະລາດແຫ່ງຊາດ, ເພື່ອຄວາມສົມບູນພູນສຸກ ແລະ ຄວາມວັດທະນະຖາ ວອນ ຂອງປະເທດຊາດ ຢ່າງແທ້ຈິງ.

ປະຫວັດແຫ່ງການກຳ ເນີດເຕີບໃຫຍ່ເຂັ້ມແຂງ     ແລະ ມູນເຊື້ອອັນສະຫງ່າ ອົງອາດ ຂອງກອງທັບປະ ຊາຊົນລາວ  ແຕ່ລະໄລຍະ ລ້ວນແຕ່ໄດ້ບັນ ທຶກໄວ້ໃນ ປຶ້ມຄຳປະຫວັດສາດຂອງ ຊາດລາວເຮົາຕະຫລອດ  ໄປຄື:

ໄລຍະທີ 1 (1949-1954) ແມ່ນໄລຍະກໍ່ສ້າງ ປັບປຸງ ແລະ ຂະຫຍາຍກຳ ລັງ, ໄລຍະທີ  (1954-1962) ແມ່ນໄລຍະທົດ ສອບທີ່ດຸເດືອດສັບສົນ ຮ້ອຍແປດພັນປະການ ຂອງກອງທັບທີ່ໜຸ່ມນ້ອຍ ແຕ່ ພິລະອາດຫານ, ໄລຍະທີ  3 (1963-1973) ເປັນໄລຍະທີ່ພວກເຮົາຕໍ່ສູ້ຕ້ານ ສົງຄາມພິເສດປີນຂັນໄດ  ຂຶ້ນສູ່ລະດັບສູງຂອງຈັກ ກະພັດອາເມລິການ ແລະ ເປັນໄລຍະພວກເຮົາສາ ມາດຍາດເອົາໄຊຊະນະອັນ ຍິ່ງໃຫຍ່ມາສູ່ການປະຕິວັດ ແລະ ເປັນໄລຍະການປະ  ຕິວັດຫັນ ຈາກພາວະສົງ ຄາມມາສູ່ສັນຕິພາບ, ໄລຍະ  ທີ 4 (1973-5/5/1975) ເປັນ ໄລຍະຕໍ່ສູ້ປົກປັກຮັກສາສັນຕິພາບ, ສ້າງທ່ວງ ທ່າກ້າວຂຶ້ນຢຶດອຳນາດ ຢ່າງ ສົມບູນ, ໄລຍະທີ 5 ແຕ່ປີ 1976 ເຖິງປັດຈຸບັນເປັນ ໄລຍະປະຕິບັດສອງໜ້າ ທີ່ຍຸດທະສາດຄືປົກປັກຮັກ ສາ ແລະ ສ້າງສາປະເທດ ຊາດ ແລະ ປະຕິບັດແນວທາງປ່ຽນແປງໃໝ່ຂອງພັກ.

ດັ່ງຄຳເວົ້າຂອງປະທານ ໄກສອນ ພົມວິຫານ ກ່າວ ໄວ້ວ່າ: “ເວລາໃດກອງທັບກໍ ນຳໜ້າທຸກວຽກງານ, ເດັດດ່ຽວໜຽວແໜ້ນຜ່ານຜ່າອຸປະສັກເຮັດສຳເລັດທຸກໜ້າທີ່,  ຕີຊະນະສັດຕູທຸກໂຕ, ສົມ ແລ້ວທີ່ເປັນກຳລັງແກ່ນສານ ທີ່ເຂັ້ມແຂງຂອງການ ປະຕິວັດ, ເປັນເຄື່ອງມືອັນຄົມ ແຫລມຂອງພັກ”./.