ນີເຊຣີຖະຫລົ່ມໂບໂກຮາຣາມທັງທາງບົກ ທາງອາກາດເສຍຊີວິດເກືອບ 300 ຄົນ
ກະຊວງປ້ອງກັນປະເທດນີເຊຣີຖະແຫລງໃນວັນທີ 3 ມັງກອນນີ້ວ່າ: ກອງທັບໄດ້ໃຊ້ປະຕິບັດການໂຈມຕີທັງທາງບົກ ແລະ ທາງອາກາດຕໍ່ກຸ່ມໂບໂກໂຮຣາມໃກ້ຊາຍແດນທາງຕາເວັນອອກສຽງໃຕ້ຕິດກັບນີເຊຣີໃນໄລຍະຫລາຍວັນຜ່ານມາ ສັງຫານສະມາຊິກກຸ່ມນີ້ຫລາຍກວ່າ 280 ຄົນ.
ຖະແຫລງການຂອງກະຊວງທີ່ມີການອ່ານອອກອາກາດທາງສະຖານີໂທລະພາບຂອງລັດ ລະບຸວ່າ: ກອງທັບໄດ້ເລີ່ມປະຕິບັດການແຕ່ວັນທີ 28 ທັນວາຜ່ານມາ ສັງຫານກຸ່ມໂບໂກຮາຣາມຫລາຍກວ່າ 200 ຄົນ ດ້ວຍປະຕິບັດການທາງອາກາດ ແລະ ອີກ 87 ຄົນ ດ້ວຍປະຕິບັດການທາງບົກ, ພື້ນທີ່ເປົ້າໝາຍເປັນເກາະແກ້ງໃນທະເລສາບຊາດ ແລະ ຕາມແມ່ນ້ຳໂຄມາດູກູ ໂຍເບ ທີ່ເປັນຊາຍແດນທາງທຳມະຊາດກັ້ນນີເຊກັບນີເຊຣີ. ກອງທັບບໍ່ສູນເສຍທະຫານ ຫລື ຍຸດໂທປະກອນພຽງແຕ່ໜ້ອຍ, ແຕ່ຢຶດເຮືອແຄນູ 8 ລຳ, ເຄື່ອງຍິງຈະຫລວດ 2 ເຄື່ອງ, ອາວຸດ, ເຄື່ອງກະສຸນ ແລະ ຍວດຍານຂອງກຸ່ມໂບໂກຮາຣາມໄດ້ອີກຈຳນວນໜຶ່ງ.
ປະຕິບັດການຂອງກອງທັບນີເຊມີຂຶ້ນຫລັງຈາກຜູ້ນຳປະເທດໃນອາຟຣິກາຕາເວັນຕົກ ຫາລືກັນໃນເດືອນພະຈິກ ເລື່ອງກຸ່ມໂບໂກຮາຣາມກໍ່ເຫດໂຈມຕີໜັກຂຶ້ນໃນທະເລສາບຊາດ ເປັນຈຸດຍຸດທະສາດຢູ່ຊາຍແດນຂອງຊາດ, ກາເມີຣູນ, ນີເຊ ແລະ ນີເຊຣີ ມາບັນຈົບກັນ. ລັດຖະມົນປ້ອງກັນປະເທດນີເຊ ຖະແຫລງໃນເດືອນທັນວາວ່າ: ຢ້ານວ່າກຸ່ມໂບໂກຮາຣາມຈະເປີດສາກໂຈມຕີຄັ້ງໃໝ່ນັບແຕ່ເດືອນມັງກອນ ເພາະແມ່ນ້ຳໂຍເບທີ່ເປັນແມ່ນ້ຳປ້ອງກັນການຮຸກຮານຈະເລີ່ມຫລຸດລະດັບລົງ ເປີດຊ່ອງທາງໃຫ້ກຸ່ມໂບໂກຮາຣາມສະສົມສະບຽງ ແລະ ກຳລັງຄົນອີກຄັ້ງ.
ໂບໂກຮາຣາມເລີ່ມກໍ່ເຫດບໍ່ສະຫງົບທາງຕາເວັນອອກສຽງເໜືອຂອງນີເຊຣີນັບແຕ່ປີ 2009, ຈາກນັ້ນໄດ້ແຜ່ກະຈາຍໄປກໍ່ເຫດໃນປະເທດໃກ້ຄຽງ ເປົ້າໝາຍມີທັງທະຫານ ແລະ ພົນລະເຮືອນ ເປັນເຫດໃຫ້ມີຜູ້ເສຍຊີວິດແລ້ວຫລາຍກວ່າ 27.000 ຄົນ, ກາຍເປັນຜູ້ພັດຖິ່ນອີກ 2 ລ້ານຄົນ, ເກີດວິກິດດ້ານມະນຸດສະທຳຮ້າຍແຮງຂຶ້ນໃນພາກພື້ນອາຟຣິກາຕາເວັນຕົກ. ນອກຈາກນີ້ ຍັງລັກພາຕົວເດັກຍິງ ແລະ ກຳມະກອນບໍລິສັດຕ່າງປະເທດນຳອີກ.
