ລາວເດີນອາກາດພັດທະນາບໍລິການຄົບວົງຈອນ

ລັດວິສາຫະກິດ ລາວເດີນອາກາດ ທີ່ໄດ້ຮັບການສ້າງຕັ້ງຂຶ້ນໃນວັນທີ 24 ມັງກອນ ປີ2002 ໂດຍການຊີ້ນຳ​ນຳພາຂອງກະຊວງປ້ອງກັນປະເທດ, ໄດ້ກາຍເປັນກຸ່ມບໍລິສັດ ລັດວິ ສາຫະກິດລາວເດີນອາກາດ ປະກອບມີ 5 ຫົວໜ່ວຍທຸລະກິດຄື: ບໍລິສັດ ລາວເດີນອາ ກາດ (ບໍລິການຖ້ຽວບິນເໝົາ ແລະ ສາຍການບິນເປັນບໍລິສັດ ແມ່), ອຸດສາຫະກຳການບິນ ລາວສະກາຍເວ (ບໍລິການສ້ອມແປງເຮືອບິນ), ໂຮງແຮມ ລາວສະກາຍເວ, ບໍລິສັດ ທ່ອງທ່ຽວ ລາວສະກາຍເວ ແລະ ບໍລິສັດ ລາວສະກາຍເວ ບໍລິການອາຄານ ແລະ ບໍລິການພາກພື້ນດິນ, ນັບແຕ່ມື້ສ້າງຕັ້ງບໍລິສັດ, ມາຮອດປັດຈຸບັນມີເຮືອບິນ 19 ລຳ, ທຸລະກິດມີການເຕີບໃຫຍ່ ສະເລ່ຍ 15% ຕໍ່ປີ, ມີ 7 ເສັ້ນທາງບິນຈາກນະຄອນຫລວງວຽງຈັນ ໄປບັນດາແຂວງພາກເຫນືອ ແລະ 1 ເສັ້ນທາງບິນໄປແຂວງພາກໃຕ້, ເຊິ່ງໄດ້ຮັບການຕອບຮັບຈາກຜູ້ໂດຍສານພາຍໃນ ແລະ ຕ່າງປະເທດເປັນຢ່າງດີ.

ດັ່ງ ທ່ານ ສີວຽງທອງ ກອນນິວົງ ຜູ້ອຳນວຍການໃຫຍ່ກຸ່ມບໍລິສັດ ລັດວິສາຫະກິດ ລາວເດີອາກາດ. ໃຫ້ຮູ້ວ່າ: ເພື່ອຍົກສູງການບໍລິການຕ່າງໆໃຫ້ມີມາດຕະຖານສາກົນ, ບໍລິສັດ ໄດ້ມີການຮ່ວມມືກັບຕ່າງປະເທດເປັນຕົ້ນ ສສ. ຫວຽດນາມ, ສປ ຈີນ, ສະຫະພັນລັດເຊຍ, ການາດາ, ນິວຊີແລນ, ອົດສະຕຣາລີ, ອາຟຣິກກາໃຕ້ ແລະ ສ. ເກົາຫລີ ແລະ ອີກຫລາຍປະເທດໃນໂລກ ທີ່ສະໜອງເຮືອບິນ ແລະ ອາໄຫລ່. ອັນໄດ້ເຮັດໃຫ້ບໍລິສັດກາຍມາເປັນບໍລິສັດການບິນທຳອິດ, ເປັນບໍລິສັດທີ 3 ທີ່ໄດ້ນໍາໃຊ້ລະບົບບໍລິຫານຄຸນນະພາບຕາມມາດຖານສາ ກົນ  ISO 9001:2000 ໃນປີ 2006 ແລະ ປັດຈຸບັນແມ່ນພັດທະນາ ເປັນ ISO 9001: 2015, ໄດ້ຮັບການກວດສອບຄວາມປອດໄພຈາກອົງການກວດສອບ CARB ຂອງສະຫະລັດອາເມລິກາ, ໃນການບິນຮັບໃຊ້ໂຄງການຂຸດຄົ້ນ ແລະ ຊອກຫາສິ່ງເສດ ເຫລືອຂອງທະຫານອາເມລິກາທີ່ຫາຍສາບສູນໃນປາງສົງຄາມຢູ່ລາວ. ປັດຈຸບັນ ບໍລິສັດ ໄດ້ຮັບຄວາມເຊື່ອໝັ້ນຈາກລູກຄ້າ ແລະ ສັງຄົມ ທັງພາຍໃນ ແລະ ຕ່າງປະເທດນັບມື້ສູງຂຶ້ນ. ທ່ານອຳນວຍການໃຫຍ່ເປີດເຜີຍ ໃຫ້ຮູ້ອີກວ່າ: ໃນຕໍ່ໜ້ານີ້ ບໍລິສັດຂອງຕົນຈະສຸ່ມໃສ່ພັດທະນາໃຫ້ມີຄວາມທັນສະໄໝທຽບເທົ່າສາກົນຫລາຍຂຶ້ນ ແລະ ຂະຫຍາຍເຄືອຂ່າຍການບໍລິການໃຫ້ກວ້າງຂຶ້ນ, ສາມາດຈອງຜ່ານເວັບໄຊລາວສະກາຍເວ (www. laoskyway.com) ແລະ ຊຳລະຄ່າໃຊ້ຈ່າຍຜ່ານແອັບພິເຄຊັນທະນາຄານການຄ້າ ຕ່າງປະເທດມະຫາຊົນ (BCEL One), ສຳລັບຜູ້ທີ່ຢູ່ຫ່າງໄກສອກຫລີກສາມາດ ຈອງໄດ້ທີ່ຕົວແທນຈຳໜ່າຍ ທົ່ວປະເທດ, ພ້ອມທັງຫັ້ນມາ ສຸມໃສ່ພັດທະນາບຸກຄະລາ ກອນໝຸ່ມທີ່ມີຄວາມອາດສາມາດ ແລະ ສ້າງຄວາມ ເຊື່ອໝັ້ນໃຫ້ແກ່ຜູ້ໃຊ້ບໍລິການ ຫລາຍຂຶ້ນກວ່າເກົ່າ.

ທ່ານ ສີວຽງທອງ ກອນນິວົງ ໃຫ້ຮູ້ຕື່ມວ່າ: ເນື່ອງໃນໂອກາດສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ ຄົບຮອບ 70 ປີນີ້  ລັດວິສາຫະກິດ ລາວເດີນອາກາດໄດ້ສົ່ງສິລະປະສະຫມັກຫຼິ້ນຮ່ວມກັບຫ້ອງວ່າການກະຊວງປ້ອງກັນປະເທດເຂົ້າແຂ່ງຂັນສິລະປະວັນນະຄະດີທົ່ວກອງທັບສາມາດຍາດໄດ້ລາງວັນທີ 2 ການສະແດງດັ່ງກ່າວ,  ພ້ອມໄດ້ສົ່ງນັກກິລາບານສົ່ງຮ່ວມກັບຫ້ອງວ່າການກະຊວງປ້ອງກັນປະ ເທດເຂົ້າແຂ່ງຂັນກິລາທົ່ວກອງທັບອີກດ້ວຍ ເຊິ່ງຈະໄດ້ຈັດຂຶ້ນໃນລະຫວ່າງວັນທີ 4-9 ມັງກອນ 2019. ພ້ອມນີ້ຍັງໄດ້ກະກຽມເປີດບູດທີ່ເດີ່ນພະທາດຫລວງ ເຊິ່ງ ບໍລິສັດ ລາວສະກາຍເວ ຈະມີການຈົກສະຫລາກລຸ້ນແລກແຈກແຖມ ແລະ ຄືນກຳໄລໃຫ້ລູກຄ້າ, ພິເສດນາຍ ແລະ ພົນທະຫານສາມາດຊື້ປີໃນລາຄາຖືກ 170.000 ກີບ (ຈຳນວນ 50 ປີ້ຕໍ່ມື້).