ລັດທຸ້ມງົບເກືອບ 5 ຕື້ກີບ ຟື້ນຟູລະບົບຊົນລະປະທານ ຢູ່ເມືອງໄຊບູລີ ທີ່ໄດ້ຮັບຜົນກະທົບຈາກໄພນ້ຳຖ້ວມ
ເພື່ອຮັບປະກັນໃຫ້ແກ່ ການຜະລິດກະສິກຳ ຂອງ ເມືອງ ໄຊບູລີ ແຂວງສະຫວັນ ນະເຂດ ເປັນຕົ້ນແມ່ນການ ປົວແປງຟື້ນຟູລະບົບຄອງ ເໝືອງແມ່ ແລະ ຈັກສູບນ້ຳ ຈຳນວນ 12 ແຫ່ງລຽບສາຍ ເຊບັ້ງໄຟທີ່ໄດ້ຮັບຜົນກະ ທົບໜັກຈາກໄພພິບັດໃນໄລ ຍະລະດູຝົນທີ່ຜ່ານມາໃຫ້ສາມາດຕອບສະໜອງນ້ຳ ແກ່ການຜະລິດເຂົ້ານາແຊງ ໃນປີນີ້ໄດ້ ເຊິ່ງລັດຖະບານ ໄດ້ທຸ້ມງົບປະມານເກືອບ 5 ຕື້ກີບເຂົ້າໃນວຽກງານ ດັ່ງກ່າວແມ່ນການໃຫ້ສຳພາດຂອງຫົວໜ້າຫ້ອງ ການກະສິກຳ ແລະ ປ່າໄມ້ ເມືອງ ໄຊບູລີ ແລະ ທ່ານ ໃຫ້ຮູ້ອີກວ່າ: ປີນີ້ເມືອງໄຊບູລີມີແຜນເຮັດນາແຊງ 8.980 ເຮັກຕາ, ໃນນັ້ນມີນາ ດຳ 3.830 ເຮັກຕາ, ນາຢອດ 50 ເຮັກຕາ ແລະ ນາຫວ່ານ 5.100 ເຮັກຕາ ແລະ ມາຮອດປັດຈຸບັນສາມາດປັກ ດຳສຳເລັດ ແລ້ວ 60,8% ເຊິ່ງເຫັນວ່າ: ປີນີ້ ຊາວນາ ເມືອງໄຊບູລີມີຄວາມຕື່ນ ຕົວເຮັດນາແຊງເປັນຂະບວນ ການກວ້າງຂວາງກວ່າປີທີ່ ຜ່ານມາອາດຈະເປັນຍ້ອນ ວ່າໄດ້ຮັບການກະຕຸກຊຸກຍູ້ ແລະ ແກ້ໄຂບັນຫາໜີ້ຄ່າກະແສໄຟຟ້າທີ່ນຳໃຊ້ເຂົ້າໃນໂຄງການຈັກສູບນ້ຳໃນ ຫລາຍປີທີ່ຜ່ານມາ.
ລັດຖະບານໄດ້ມີການ ປັບປຸງລາຄາຄ່າກະແສໄຟຟ້າໃນຂະແໜງຊົນລະປະທານເຫລືອພຽງ 50%, ຂະແໜງລ້ຽງສັດເຫລືອພຽງ 30% ສິ່ງນີ້ເປັນສ່ວນໜຶ່ງທີ່ເຮັດໃຫ້ປະຊາຊົນມີຄວາມຫ້າວຫັນໃນການຜະລິດກະສິກຳຫລາຍຂຶ້ນ./.
