UNSC ຫາລືເລື່ອງລົງໂທດ ສປປ ເກົາຫລີ
ສະພາຄວາມໝັ້ນຄົງແຫ່ງສະຫະປະຊາຊາດ (UNSC) ຫາລືພາຍໃນ ໃນວັນທີ 16 ພຶດສະພານີ້ ເລື່ອງເຂັ້ມງວດມາດຕະການລົງໂທດ ສປປ ເກົາຫລີ ກໍລະນີຍິງລູກສອນໄຟ ໃນວັນທີ 14 ພຶດສະພາ.
ທ່ານນາງ ນິກກີ ເຮລີ ເອກອັກຄະລາຊະທູດອາເມລິກາປະຈຳ ສປຊ ເປີດເຜີຍກ່ອນເຂົ້າປະຊຸມວ່າ: ອາເມລິກາພວມຮ່ວມກັບຈີນຮ່າງຍັດຕິລົງໂທດ ສປປ ເກົາຫລີ ສະບັບໃໝ່ ຂໍໃຫ້ທຸກປະເທດເພີ່ມມາດຕະການລົງໂທດ ສປປ ເກົາຫລີ ເພື່ອເຕືອນ ສປປ ເກົາຫລີ ວ່າຢ່າເຮັດອີກ ເພາະບໍ່ມີໃຜຕ້ອງການໄພຄຸກຄາມ, ປະເທດໃດສະໜັບສະໜູນ ສປປ ເກົາຫລີ ຈະຖືກເປີດເຜີຍ ແລະ ຖືກລົງໂທດເຊັ່ນດຽວກັນ. ເຖິງຢ່າງໃດກໍດີ, ອາເມລິກາຍັງຍິນດີຈະເປີດການເຈລະຈາໂດຍກົງກັບ ສປປ ເກົາຫລີ ຖ້າ ສປປ ເກົາຫລີ ຢຸດຂະບວນການນິວເຄຼຍ ແລະ ການທົດລອງທັງໝົດ.
+ ສປປ ເກົາຫລີ ອ້າງທົດລອງລູກສອນໄຟລຸ້ນໃໝ່
+ ສປປ ເກົາຫລີ ຍິງທົດລອງລູກສອນໄຟຄັ້ງໃໝ່
+ ອາເມລິກາ-ສ.ເກົາຫລີ ເຕືອນຈະໃຊ້ແຜນຕອບໂຕ້ທັນທີ ຖ້າ ສປປເກົາຫລີ ທ້າທາຍອີກ
ສ່ວນເອກອັກຄະລາຊະທູດອຸຣູກວາຍປະຈຳ ສປຊ ໃນຖານະປະທານ UNSC ວາລະປັດຈຸບັນ ຖະແຫລງພາຍຫລັງສຳເລັດກອງປະຊຸມວ່າ: ຈະໃຊ້ມາດຕະການລົງໂທດ ສປປ ເກົາຫລີ ຢ່າງແນ່ນອນ, ແຕ່ກໍສະໜັບສະໜູນໃຫ້ໃຊ້ມາດຕະການທາງການທູດໄປນຳ. ທ່ານນາງ ເຮລີ ຊີ້ແຈງວ່າ: ພວມຮ່າງເນື້ອໃນກັບຈີນຢູ່, ຂະນະທີ່ຈີນບໍ່ເວົ້າເຖິງເລື່ອງນີ້ ແລະ ເນັ້ນໃຫ້ເປີດເຈລະຈາຫລຸດຜ່ອນຄວາມເຄັ່ງຕຶງຢູ່ແຫລມເກົາຫລີ.
