ເປັນຫຍັງ ຈຶ່ງມີການສູດມົນຂ້າມປີ?

ໂດຍ: ຄຳພຸດ ເທບພະນົມ

ເທສະການສົ່ງທ້າຍປີ ເກົ່າຕ້ອນຮັບປີໃໝ່ ເປັນເທ ສະການໃຫຍ່ທີ່ທຸກໆຄົນ ໃນໂລກລ້ວນແຕ່ຮັບຮູ້ ແລະ ໄດ້ຮ່ວມກັນສະເຫຼີມສະຫຼອງ ຕາມໂມງເວລາຂອງແຕ່ລະ ປະເທດ. ຄວາມພິເສດທີ່ທຸກໆ ຄົນນິຍົມຊົມຊອບນັ້ນກໍຄື “ການນັບຖອຍຫຼັງ” ເຊິ່ງ ແປມາຈາກພາສາອັງກິດວ່າ “Count Down”  ປັດຈຸບັນນີ້ສັງຄົມລາວເຮົາກໍໄດ້ ມີການປະຍຸກການນັບຖອຍ ຫຼັງເປັນການສູດມົນຂ້າມປີອີກດ້ວຍ.

“ການສູດມົນຂ້າມປີ” ໝາຍເຖິງການສູດມົນຄາຖາທີ່ເປັນພະສູດ ແລະ ພະທຳ ຄຳສອນໃນທາງພຸດທະສາ ສະໜາ ເພື່ອສັນລະເສີນພະລັດຕະນະໄຕ ແລະ ຄຳອວຍ ພອນ ຕ່າງໆໃນຄືນສົ່ງທ້າຍ ປີເກົ່າຕ້ອນຮັບປີໃໝ່, ເປັນ ປະເພນີທີ່ເກີດຂຶ້ນໃໝ່ໃນເວລາບໍ່ເຖິງ 10 ປີຜ່ານມານີ້ ແຕ່ໄດ້ຮັບຄວາມນິຍົມຊົມ ຊອບຈາກພຸດທະສາສະ ນິກະຊົນຢ່າງແພ່ຫຼາຍ. ການ ສູດມົນຂ້າມປີແມ່ນເກີດ ມາຈາກເຈດຈຳນົງຂອງບັນດາຄູບາອາຈານ ທີ່ຢາກ ປະກອບສ່ວນເຂົ້າໃນການປູກຈິດສຳນຶກຍາດໂຍມຜູ້ມີຈິດໃຈເຫຼື້ອມໃສສັດທາໃນ ຫຼັກທຳຄຳສອນທາງພຸດ ທະສາສະໜາໄດ້ເຫັນຄຸນຄ່າທີ່ແທ້ຈິງຂອງຊີວິດ. ຄວາມສຳຄັນຂອງການສູດມົນ ຂ້າມປີມີຄື: ເພື່ອດຶງດູດຍາດ ໂຍມໃຫ້ທຳຄວາມດີ ເລີ່ມ ຕົ້ນຊີວິດໃນປີໃໝ່, ເປັນການ ຫຼີກເວັ້ນການດື່ມເຫຼົ້າເມົາສຸລາ ແລະ ຫຼຸດຜ່ອນອຸບັດ ເຫດຕາມຖະໜົນ, ຫຼຸດຜ່ອນ ການໃຊ້ຈ່າຍໄປກັບສິ່ງ ມຶນເມົາ, ໃຫ້ໂອກາດຕໍ່ຜູ້ ຕ້ອງການເລີ່ມຄິດດີເຮັດ ຄວາມດີເພື່ອຕົນເອງ ແລະ   ສັງຄົມ ເຊິ່ງໃນໄລຍະຜ່ານ ມາອົງການພຸດທະສາສະໜາ ແລະ ອົງການຈັດຕັ້ງ ພັກລັດໄດ້ເຫັນຄວາມສຳຄັນດັ່ງກ່າວນີ້ ຈຶ່ງໄດ້ຈັດຕັ້ງໃຫ້ມີການສູດມົນຂ້າມປີຢ່າງ ກວ້າງຂວາງ, ຕາມສະຖິຕິ ຢູ່ເດີ່ນພະທາດຫຼວງວຽງ ຈັນເມື່ອປີກາຍນີ້ ມີຜູ້ເຂົ້າຮ່ວມເຖິງ 2.000 ກວ່າຄົນ ແລະວັດອື່ນໆອີກບໍ່ຕໍ່າກວ່າ 200-300 ກວ່າຄົນ.

ສຳລັບຜູ້ສົນໃຈ ໃຝ່ທຳ ຄວາມດີທີ່ຈະເຂົ້າຮ່ວມການສູດມົນຂ້າມປີແມ່ນຕ້ອງ ກຽມຈິດກຽມໃຈເພື່ອຈະລົງທະບຽນ ແຕ່ເວລາ 18:00 ເປັນຕົ້ນໄປ. ກິດຈະກຳທີ່ປະຕິບັດໃນການສູດມົນຂ້າມ ປີປະກອບມີ: ການບວດຂາວຮັບສິນ 8, ໄຫວ້ພະແປ, ສູດ ຄາຖາອະພິທຳ, ຟັງທຳມະເທສະໜາ ແລະ ນັ່ງສະມາ ທິພາວະນາ ໃນຕອນເຊົ້າມີການໃສ່ບາດຖວາຍສັງຄະ ທານຕາມກຳລັງສັດທາ ຜູ້ເຂົ້າຮ່ວມ./.