ການແຂ່ງຂັນເຕັນນິສ ເອທີ ພີທົວ ລາຍການ 1000 ລາຍ ການ ອິນເຕີນາຊິອອງນາລີ ບີ ເອັນແອລ ອິຕາລີ ທີ່ນະຄອນໂຣ ປະເທດອິຕາລີ ເປັນການແຂ່ງຂັນ ໃນປະເພດຊາຍດ່ຽວຮອບ32 ຄົນສຸດທ້າຍ ຜົນປາກົດວ່າ ແອນ ດີ ເມີເຣ ມືວາງອັນດັບ 1 ຂອງ ໂລກ ແລະ ຂອງລາຍການ ຈາກ ສະຫະຣາຊະນາຈັກ ພິກລ໊ອກຕົກ ຮອບໄປຮຽບຮ້ອຍແລ້ວ ຫຼັງຖືກ ຟາບິໂອ ຟອດນິນີ ຈາກ ອິຕາລີ ເອົາຊະນະໄປຂາດລອຍ 2-0 ເຊັດ 6-2, 6-4. ໂດຍໃນຮອບ 16 ຄົນສຸດທ້າຍ ຟອດນິນີ ຈະ ເຂົ້າໄປພົບກັບຜູ້ຊະນະລະຫວ່າງ ວິກເຕີ ໂທຣອິດກີ ຈາກ ເຊີເບຍ ກັບ ອະເລັກຊານເດີ ຊະເວເຣຟ ມື ວາງອັນດັບ 16 ຂອງລາຍການ ຈາກ ເຢຍລະມັນ.
ສ່ວນ ມາຣິນ ຊິລິດ ມືວາງ ອັນດັບ 6 ຂອງລາຍການຈາກ ໂຄຣອາຊີ ຜົນງານດີເດັ່ນ ຫຼັງເອົາ ຊະນະ ໄຣອັນ ແຮຣິສັນ ຈາກ ສະ ຫະລັດ ໄປໄດ້ຢ່າງສະບາຍ 2-0 ເຊັດ 6-3, 6-2. ຜ່ານເຂົ້າໄປພົບ ກັບ ດາວິດ ກອຟແຟງ ມືວາງອັນ ດັບ 9 ຂອງລາຍການຈາກ ເບລ ຢຽມ ໃນຮອບ 16 ຄົນສຸດທ້າຍ ຕໍ່ໄປ.
