ເມືອງຈອມເພັດ ແລະ ເມືອງຫົງສາ ພົບປະແລກປ່ຽນບົດຮຽນຮ່ວມກັນ

ງານພົບປະແລກປ່ຽນ ບົດຮຽນຮ່ວມກັນລະຫວ່າງ ເມືອງຈອມເພັດແຂວງ ຫລວງພະບາງກັບ ເມືອງ ຫົງສາ ແຂວງໄຊຍະບູລີ ໄດ້ມີຂຶ້ນເມື່ອມໍ່ໆມານີ້ທີ່ ເມືອງ ຈອມເພັດ, ໂດຍມີ ທ່ານ ເຈົ້າເມືອງດັ່ງກ່າວ ພ້ອມຂະແໜງການກ່ຽວ  ຂ້ອງ ແລະ ປະຊາຊົນ ທີ່ຢູ່ເຂດແດນເຊື່ອມຕໍ່ຂອງສອງ ເມືອງ ເຂົ້າຮ່ວມນຳດ້ວຍ.

ເພື່ອປະກອບຄຳຄິດ ຄຳເຫັນສ້າງຄວາມເຂົ້າໃຈ  ແລະ ເປັນເອກະພາບກັນກ່ຽວ ກັບການຄຸ້ມຄອງເຂດແດນ ລະຫວ່າງ ສອງເມືອງໃຫ້ມີຄວາມສະຫງົບ, ພ້ອມທັງ ສອງຝ່າຍໄດ້ຕົກລົງເຫັນ ດີເປັນເອກະພາບຮ່ວມກັນ   ກຳນົດຂອບເຂດການຜະລິດ ກະສິກຳ, ການລ້ຽງສັດ, ສະກັດກັ້ນການລັກລອບຕັດໄມ້ ທໍາລາຍປ່າ, ການຖາງປ່າ ນອກຂອບເຂດຄຸ້ມຄອງ, ການລ່າສັດປ່າ, ການຄຸ້ມຄອງອາວຸດລ່າສັດ, ການເກັບ ເຄື່ອງປ່າ ຂອງດົງ ແລະ ການ ທົດລອງເປີດນຳໃຊ້ສາຍ  ໂດຍສານເສັ້ນທາງ 4B ຊຽງ ແມນ-ຫົງສາເພື່ອມີຄວາມ ສະດວກ ໃນການໄປມາຫາ ສູ່ກັນຂອງປະຊາຊົນໃນ ເຂດດັ່ງກ່າວ.