ອິນເຕີ ລົງໂທດ ນຽງໂກລັນ ຫ້າມຫຍຸ້ງກ່ຽວ ທຸກກິດຈະກຳຂອງທີມໂດຍບໍ່ມີກຳນົດ

      ອິນເຕີ ມີລານ ສະໂມສອນບານເຕະຊື່ດັງແຫ່ງແດນມາກາໂຣນີ (ອີຕາລີ) ປະກາດລົງໂທດ ຣັດຢ້າ ນຽງໂກລັນ ກອງກາງຕົວປັ້ນເກມຊາວເບວຢ້ຽມ ໄວ 30 ປີ ຫ້າມເຄື່ອນໄຫວທຸກກິດຈະກຳບານເຕະຂອງທີມ ໂດຍບໍ່ມີກຳນົດ ຈາກຂໍ້ຫາຂາດລະບຽບວິໄນ ໂດຍສະເພາະການມາຝຶກຊ້ອມຊັກຊ້າຫລາຍກວ່າ 1 ຄັ້ງ.

       ກ່ອນໜ້ານີ້ ນຽງໂກລັນ ເຄີຍຖືກຕົ້ນສັງກັດເກົ່າ ໂຣມ້າ ລົງໂທດຈາກກໍລະນີສູບຢາ, ດື່ມເຫລົ້າໂພສລົງສື່ສັງຄົມອອນລາຍ ອີສະຕາແກຣມ. ສຳລັບ ນຽງໂກລັນ ຍ້າຍຈາກ ໂຣມ້າ ມາຢູ່ກັບ ອິນເຕີ ໃນລະດູການນີ້ ດ້ວຍຄ່າໂຕ 38 ລ້ານເອີໂຣ ລົງຫລິ້ນ 14 ນັດ, ຍິງໄດ້ 3 ປະຕູລວມທຸກລາຍການ.