ປ໊ອກບາ ກຽມປະກາດຂ່າວໃຫຍ່
December 24, 2018 - 5:08 PM
ປໍ ປ໊ອກບາ ກອງກາງ ແມນເຊັສເຕີ ຢູໄນເຕັດ ໂພສຮູບລົງອິນສະຕາແກຣມອີກຄັ້ງ ພ້ອມບອກວ່າ: ກຽມຈະປະກາດຂ່າວໃຫຍ່ຂອງຕົນເອງ ຫລັງຫາກໍໂຊຟອມເດັ່ນໃນເກມທີ່ ແມນຢູ ບຸກໄປຖະຫລົ່ມ ຄາຣ໌ດິບ ຊິຕີ້ 5-1 ໃນວັນທີ 22 ທັນວາຜ່ານມາ.
ກ່ອນໜ້ານີ້ ມິດຟິລທີມຊາດຝຣັ່ງ ຫາກໍຖືກແຟນບານວິຈານວ່າບໍ່ມີຄວາມເປັນມືອາຊີບ ຫລັງໂພສຮູບຕົນເອງຍິ້ມຢ່າງມີເລສະໄນ ຫລັງຈາກສະໂມສອນປະກາດປົດ ໂຊເຊ່ ມູຣິນໂຢ ໄດ້ພຽງ 45 ນາທີເທົ່ານັ້ນ ກ່ອນທີ່ລາວຈະລົບອອກທັນທີ.
ຫລ້າສຸດວັນທີ 23 ທັນວາຜ່ານມາ, ປ໊ອກບາ ໂພສຮູບລົງ ໄອຈີ ອີກຄັ້ງ ແຕ່ເທື່ອນີ້ມາໃນຮູບກາຕູນທີ່ຕົນເອງຂະຍິບຕາ ແລະ ຂຽນຂໍ້ຄວາມ “ຈະມີການປະກາດຂ່າວໃຫຍ່ຕາມອອກມາ”.
