ປກສ ແຂວງສະຫວັນນະເຂດ ຈັບຜູ້ຄ້າຂາຍຢາເສບຕິດ ມາດຳເນີນຄະດີ ພ້ອມຂອງກາງຢາບ້າຫລາຍພັນເມັດ

ເມື່ອບໍ່ດົນມານີ້, ເຈົ້າ ໜ້າທີ່ ປກສ ແຂວງ ສະຫວັນ ນະເຂດໄດ້ຈັບຕົວທ້າວ ປາ ນີດ ອາຍຸ 18 ປີ ຢູ່ບ້ານ ດົງ ຫລວງ, ທ້າວ ໄຊເສດຖາ ອາຍຸ 19 ປີ ຢູ່ບ້ານນາເລົ່າ ແລະ ທ້າວ ແສງອາທິດ ອາຍຸ 18 ປີ ຢູ່ບ້ານ ໂພນສະອາດ ນະຄອນໄກສອນພົມວິຫານ ແຂວງ ສະຫວັນນະເຂດ, ພ້ອມຂອງກາງຢາບ້າ 7.500 ກ່ວາເມັດ, ລົດຟໍຈູນ ເນີບໍ່ມີປ້າຍທະບຽນ 1 ຄັນ, ໂທລະສັບ 3 ເຄື່ອງ, ມາດຳ ເນີນຄະດີ, ໃນຂໍ້ຫາຄ້າຂາຍ ຢາເສບຕິດ, ຊຶ່ງພວກຜູ້ກ່ຽວ ຖືກເຈົ້າໜ້າທີ່ຈັບຕົວໄດ້ຢູ່ ເສັ້ນທາງເຂດບ້ານ ໜອງ ແສງ ໃກ້ບໍລິເວນມະຫາວິທະ ຍາໄລສະຫວັນນະເຂດ, ພາຍ ຫລັງຈະນຳຢາບ້າໄປຂາຍໃຫ້ ກັບຜູ້ຮ່ວມຂະບວນການ.

ຜ່ານການສືບສວນ- ສອບສວນ ພວກຜູ້ກ່ຽວຮັບສາ ລະພາບວ່າ: ຢາຈຳນວນດັ່ງ ກ່າວໄດ້ຊື້ນຳຄົນຮູ້ຈັກຢູ່ເທ ສະບານ ນະຄອນໄກສອນ ພົມ ວິຫານ ເພື່ອຈະເອົາໄປສົ່ງໃຫ້ ຜູ້ສັ່ງຊື້ທີ່ນັດກັນຢູ່ໃກ້ເຂດ ມະຫາວິທະຍາໄລດັ່ງກ່າວ, ພໍໄປຮອດກໍຖືກເຈົ້າໜ້າທີ່ ຈັບຕົວ, ປັດຈຸບັນຄະດີດັ່ງກ່າວ ພວມຢູ່ໃນຂັ້ນຕອນການສືບ ສວນ-ສອບສວນຂະຫຍາຍ ຜົນຫາຜູ້ຮ່ວມຂະບວນການ ເພື່ອມາດຳເນີນຄະດີ.

ຂ່າວໃຫ້ຮູ້ຕື່ມວ່າ: ໃນຕົ້ນ ເດືອນທັນວານີ້, ເຈົ້າໜ້າທີ່ ປກສ ແຂວງ ສະຫວັນນະ ເຂດ ໄດ້ຈັບຕົວທ້າວ ຄຳໃບ ອາຍຸ 37 ປີ ແລະ ທ້າວ ວັນໄຊ ອາຍຸ 38 ປີ ທັງສອງ ຢູ່    ບ້ານ ໂພນສະຫວ່າງ ເມືອງ ສອງຄອນ ແຂວງ ສະຫວັນ ນະເຂດພ້ອມຂອງກາງ        ຢາບ້າ 27.000 ກວ່າເມັດ ມາດຳເນີນຄະດີ.

ຄະດີດັ່ງກ່າວສືບເນື່ອງ ມາຈາກ ວັນທີ 15 ມີນາ ຜ່ານ ມາ ເຈົ້າໜ້າທີ່ໄດ້ຈັບຕົວ    ທ້າວ ເຈ ອາຍຸ 35 ປີ ແລະ ທ້າວ ເພັດ ອາຍຸ 32 ປີ ທັງ ສອງ ຢູ່ບ້ານຈອມເພັດ ເມືອງ ທ່າແຂກ ແຂວງ ຄຳມ່ວນ ພ້ອມຂອງກາງຢາບ້າ 1.800 ກວ່າເມັດ, ແລະ ຕໍ່ມາ ໄດ້ຈັບຕົວນາງ ເພັດ  ອາຍຸ 45 ປີ ຢູ່ບ້ານ ໂນນສະຫວ່າງ ເມືອງ ສອງຄອນ ແຂວງ ສະຫວັນນະເຂດ ໂດຍພວກ ກ່ຽວໄດ້ໃຫ້ການວ່າ: ຢາບ້າ ຈຳນວນດັ່ງກ່າວ ແມ່ນໄດ້  ຮັບມາຈາກ ທ້າວ ຄຳໃບ ແລະ ທ້າວ ວັນໄຊ ຈຶ່ງໄດ້ ຕິດຕາມຈັບຕົວພວກກ່ຽວ ມາດຳເນີນຄະດີ.