ນະໂຍບາຍຮັດສາຍແອວຂອງ IMF ກະທົບການເບິ່ງແຍງສຸຂະພາບເດັກ

     ສະຖາບັນສຶກສາແຫ່ງຊາດດ້ານວິທະຍາສາດຢູ່ອາເມລິກາ ລາຍງານວ່າ: ນະໂຍບາຍຮັດສາຍແອວຂອງກອງທຶນ ເງິນຕາສາກົນ (IMF) ຈະສົ່ງຜົນເສຍຫາຍຕໍ່ຄວາມສາມາດຂອງຄອບຄົວໃນການເບິ່ງແຍງສຸຂະພາບເດັກນ້ອຍ.

ຜົນການສຶກສາພົບວ່າ: ການທີ່ IMF ຫລຸດເງິນຊ່ວຍເຫລືອທາງສັງຄົມຈຳນວນຫຼາຍຈະຕັດໂອກາດທາງການ ສຶກສາ ເຮັດໃຫ້ຄອບຄົວທຸກຍາກຫລາຍຂຶ້ນ, ຈ້າງວຽກໜ້ອຍລົງ ແລະ ການປ່ຽນແປງທາງເສດຖະກິດຫລາຍຂຶ້ນ ລວມທັງເຮັດໃຫ້ຄຸນນະພາບໃນການສອນຊຸດໂຊມລົງ ແລະ ກະທົບຕໍ່ການເບິ່ງແຍງສຸຂະພາບຂອງເດັກນ້ອຍ. ເຖິງ ຢ່າງໃດກໍຕາມ, ໂຄສົກ IMF ບໍ່ໄດ້ຖະແຫລງວິຈານລາຍງານຜົນການສຶກສາເທື່ອໃໝ່ ແລະ ກ່າວເນັ້ນວ່າ: ການວິໄຈ ເທື່ອກ່ອນພົບວ່າການໃຊ້ຈ່າຍດ້ານສາທາລະນະສຸກເພີ່ມຂຶ້ນຕາມໂຄງການຂອງ IMF. ຜົນການສຶກສາດັ່ງກ່າວມາ ຈາກຄະນະ ນັກວິໄຈມະຫາວິທະຍາໄລເຄມບຣິດ ແລະ ອອກຟອດ ລວມທັງມະຫາວິທະຍາໄລອຳສະເຕີດຳ ແລະ ມະ ຫາວິທະຍາໄລໄວກາໂຕຢູ່ນູເວນເຊລັງ ຮວບຮວມຂໍ້ມູນຈາກປະຊາຊົນ 2.800 ລ້ານຄົນໃນໄລຍະເວລາ 5 ປີຈາກປີ 2000 ຄວບຄຸມ 67 ປະເທດທີ່ມີຖານະປານກາງ ແລະ ທຸກຍາກທົ່ວໂລກ.