EU ຂໍປະເທດສະມາຊິກຊ່ວຍແບ່ງຮັບຜູ້ອົບພະຍົບຫລາຍຂຶ້ນ

    ແຜນການຄັ້ງປະຫວັດສາດຂອງສະຫະພາບເອີຣົບ (EU) ໃນການແບ່ງຮັບຜູ້ອົບພະຍົບ 160.000 ຄົນທີ່ມີຢູ່ອີ ຕາລີ ແລະ ເກຣັກໃຫ້ກັບປະເທດສະມາຊິກ EU ປາກົດວ່າມີຈຳນວນບໍ່ຮອດ 40.000 ຄົນເທົ່ານັ້ນ ເຊິ່ງໄດ້ບ່ອນຢູ່ ໃໝ່ພາຍໃນກຳນົດເສັ້ນຕາຍເດືອນກັນຍາ.

ທ່ານ ດິມິທຣິສ ອັບຣາໂມປູລອສ ກຳມາທິການຝ່າຍຜູ້ອົບພະຍົບ EU ກ່າວໃນວັນທີ 16 ພຶດສະພານີ້ວ່າ: ຜູ້ອົບພະ ຍົບກວ່າ 18.000 ຄົນໄດ້ຮັບການຈັດສັນບ່ອນຢູ່ໃໝ່ ໂດຍມີຈຳນວນ 12.500 ຄົນຢູ່ເກຣັກ ແລະ ປະມານ 4.000 ຄົນຢູ່ອີຕາລີທີ່ມີສິດຈະໄດ້ຍ້າຍໄປຢູ່ບ່ອນໃໝ່. ເຈົ້າໜ້າທີ່ EU ກ່າວວ່າ: ຜູ້ອົບພະຍົບປະມານ 16.500 ຄົນສາມາດ ມີ ບ່ອນຢູ່ໃໝ່ໄດ້ພາຍໃນໄລຍະເດືອນກັນຍາປີຜ່ານມາ, ແຕ່ຍັງມີບາງປະເທດສະມາຊິກຍັງບໍ່ຈັດສັນບ່ອນຢູ່ໃຫ້ ເຊິ່ງຖືວ່າຂັດກັບຂໍ້ຕົກລົງໃນ EU. ເຈົ້າໜ້າທີ່ຝ່າຍຜູ້ອົບພະຍົບກ່າວຕໍ່ສະມາຊິກສະພາ EU ວ່າ: ແຜນແບ່ງຮັບຜູ້ ອົບພະຍົບ EU ເຊິ່ງມີຂຶ້ນໃນເດືອນກັນຍາ 2015 ຖືວ່າມີຄວາມສຳຄັນຫລາຍຕໍ່ຜົນສຳເລັດໃນນະໂຍບາຍຮັບຜູ້ ອົບພະຍົບຂອງ EU. ຂະນະທີ່ຮົງກາລີ ແລະ ໂປໂລຍ ລົງມະຕິຄັດຄ້ານແຜນຮັບຜູ້ອົບພະຍົບ ແລະ ຍັງປະຕິເສດ ຮັບຜູ້ອົບພະຍົບເຂົ້າປະເທດ.