ລາວເປັນເຈົ້າພາບຈັດກອງປະຊຸມ ວິຊາການນານາຊາດດ້ານຊົນເຜົ່າ ສຶກສາໃນພາກພື້ນລຸ່ມແມ່ນ້ຳຂອງຄັ້ງທີ 6
ໃນວັນທີ 13-14 ທັນວາ ນີ້, ວິທະຍາໄລຄູດົງຄໍາຊ້າງ ໄດ້ ເປັນເຈົ້າພາບຈັດກອງ ປະຊຸມວິຊາການນາໆຊາດ ດ້ານຊົນເຜົ່າສຶກສາໃນພາກ ພື້ນລຸ່ມແມ່ນໍ້າຂອງ ຄັ້ງທີ 6 ຂຶ້ນໂດຍການເປັນປະທານ ຂອງທ່ານ ນາງ ແສງເດືອນ ຫຼ້າຈັນທະບູນ ລັດຖະມົນຕີ ກະຊວງສຶກສາທິການ ແລະ ກິລາ, ມີຫົວໜ້າ-ຮອງຫົວ ໜ້າກົມ, ສູນ, ອະທິການບໍດີ, ຜູ້ອໍານວຍການຈາກ 5 ປະ ເທດ, ຄະນະອໍານວຍການ ວິທະຍາໄລຄູ 8 ແຫ່ງພາຍ ໃນລາວ ເຂົ້າຮ່ວມເພື່ອເປັນ ການຜູກແໜ້ນຄວາມສາ ມັກຄີ ແລະ ຮ່ວມມືທາງດ້ານ ການສຶກສາຊົນເຜົ່າຂອງປະ ເທດລຸ່ມແມ່ນໍ້າຂອງ, ທັງ ເປັນການສ້າງນັກວິໄຈຮຸ່ນ ໃໝ່ໃຫ້ແກ່ບັນດາວິທະຍາ ໄລຄູແຫ່ງຕ່າງໆໃນຂອບ ເຂດທົ່ວປະເທດ ມີຄວາມສາ ມາດໃນການເຮັດວຽກຂອງ ຕົນດີຂຶ້ນ ແລະ ທັງເປັນການ ສືບສານວັດທະນະທໍາອັນ ດີງາມໃຫ້ມະນຸດເຮົາຕະ ຫຼອດໄປ ແລະ ເພື່ອເປັນການ ສຶກສາຄົ້ນຄວ້າທາງດ້ານ ປະຫວັດສາດ, ການພັດທະ ນາເສດຖະກິດ-ສັງຄົມຂອງ ແຕ່ລະປະເທດເພື່ອການ ເຊື່ອມໂຍງກັບສາກົນ.
ໃນໂອກາດດັ່ງກ່າວ, ທ່ານ ນາງ ແສງເດືອນ ຫຼ້າຈັນທະບູນ ໄດ້ກ່າວລາຍ ງານໂດຍຫຍໍ້ກ່ຽວກັບຊົນ ເຜົ່າໃນ ສປປ ລາວ ຕໍ່ກອງປະ ຊຸມເພື່ອເປັນຂໍ້ມູນໃຫ້ແກ່ສຶກ ສາຄົ້ນຄ້ວາ ແລະ ປະກອບ ຄຳຄິດເຫັນຮ່ວມກັນ.
ການສຶກສາຄົ້ນຄວ້າທາງດ້ານປະຫວັດສາດ, ການພັດທະນາເສດຖະກິດ-ສັງຄົມຂອງແຕ່ລະປະເທດ ແລະ ເປັນບາດກ້າວອັນດີໃນ ການອະນຸລັກຮັກສາຮີດຄອງປະເພນີ ແລະເປັນໂອກາດ ອັນດີໃນການສ້າງບຸຄະລາ ກອນໃຫ້ກາຍເປັນນັກຄົ້ນ ຄວ້າ, ນັກວິໄຈ, ມີຄວາມເຂັ້ມ ແຂງໂດຍສະເພາະບັນດາປະ ເທດໃນເຂດລຸ່ມແມ່ນໍ້າຂອງ ທີ່ມີພາສາ, ຮີດຄອງປະເພນີ ແລະ ວັດທະນະທໍາທີ່ຄ້າຍຄືກັນໄດ້ຮັບການສົ່ງເສີມໃຫ້ ຍືນຍົງຕະຫລອດໄປ./.
