ໂນເບິ້ລ ຕໍ່ສັນຍາກັບ ເວສແຮມ ເຖິງປີ 2021
December 13, 2018 - 5:06 PM
ມາຣກ ໂນເບິ້ລ ກັບຕັນທີມ ເວສແຮມ ຢູໄນເຕັດ ຕໍ່ສັນຍາກັບທີມອອກໄປຈົນເຖິງປີ 2021 ຮຽບຮ້ອຍ, ພ້ອມກ່າວວ່າ: ເວສແຮມ ກຳລັງມຸ່ງໜ້າໄປໃນທິດທາງທີ່ຖືກຕ້ອງ.
ມາຣກ ໂນເບິ້ລ ກອງກອງກັບຕັນທີມ ເວສແຮມ ຢູໄນເຕັດ ສະໂມສອນດັງໃນ ພຣີເມຍລີກ ອັງກິດ ເຊັນຕໍ່ສັນຍາກັບຕົ້ນສັງກັດອອກໄປຈົນເຖິງປີ 2021 ຮຽບຮ້ອຍແລ້ວ ໃນວັນທີ 12 ທັນວາຜ່ານມາ.
ດາວເຕະອັງກິດໄວ 31 ປີ ເຂົ້າມາຢູ່ໃນອາຄາເດມີຂອງ ເວສແຮມ ນັບແຕ່ປີ 2000 ແລະ ລົງຫລິ້ນໃຫ້ ເວສແຮມ ແລ້ວທັງໝົດ 446 ນັດ ຍິງໄດ້ 51 ປະຕູ ນັບແຕ່ກ້າວຂຶ້ນມາຢູ່ໃນທີມຊຸດໃຫຍ່ປີ 2004 ແລະ ຫລ້າສຸດ ສະໂມສອນໄດ້ໃຊ້ອັອບຊັນທີ່ມີຕໍ່ສັນຍາກັບ ໂນເບິ້ລ ອອກໄປຈົນເຖິງ 2021 ຮຽບຮ້ອຍ.
