ໜ້າເປັນຫວ່ງການນຳເອົາເສດຂີ້ເຫຍື້ອເຂົ້າມາປະເທດ

ໂດ​ຍ: ທ່ຽງ​ທຳ

ສະບາຍດີ, ເພື່ອຜູ້ອ່ານ ທີ່ຮັກແພງ, ເມ່ືອມໍ່ໆມານີ້ ທ່ຽງທຳ ໄດ້ມີໂອກາດ, ໄປ ຮ່ວມງານ ທີ່ທ່າລາດ ເມືອງ ແກ້ວອຸດົມ ແຂວງວຽງຈັນ, ໃນຂະນະທີ່ນັ່ງຮ່ວມງານ ສ້າງສັນຢູ່ກະໂຕຕະຫລາດທ່າລາດນັ້ນກັບເພື່ອນຫລາຍ ຄົນນັບທັງຜູ້ດຳລົງຊີວິດ ຢູ່ເຂດນີ້, ໃນຂະນະທີ່ພວກ  ເຮົາພວມໂອ້ລົມສົນທະນາ    ກັນຢູ່ນັ້ນເວລາປະມານ       ຄ້າຍຄ່ຳ, ບັງເອີນໄດ້ພົບເຫັນ ຂະບວນລົດບັນທຸກຄອນເທນ ເນີຂະໜາດໃຫຍ່ ແລະຍາວ ທີ່ມີປ້າຍທະບຽນຂອງປະ  ເທດໃກ້ຄຽງເຮົາລຳລຽງກັນ ເຂົ້າມາຜ່ານກະໂຕບ້ານທ່າ ລາດນັບຫລາຍໆຄັນ.

ເມື່ອເຫັນສະພາບນີ້ທ່ຽງ  ທຳ ໄດ້ຖາມໄປຫາເພື່ອນຜູ້      ຢູ່ເຂດນີ້ວ່າ:“ແມ່ນຂະບວນ ລົດບັນທຸກຫຍັງ?” ແລ້ວພວກ ເພິ່ນກໍຮີບຮ້ອນເລົ່າໃຫ້ຟັງ     ວ່າ: ນັ້ນແມ່ນຂະບວນລົດແກ່ ເສດຂີ້ເຫຍື້ອຕ່າງໆມາຈາກ ຟັ່ງນັ້ນ, ເພື່ອມາສົ່ງໃຫ້ໂຮງ ງານແຫ່ງໜຶ່ງທີ່ມີຂະໜາດ ໃຫຍ່ຕັ້ງຢູ່ທິດເໜືອຂອງທ່າ ລາດ, ໂດຍແມ່ນການລົງທຶນ ຂອງນັກທຸລະກິດຈີນ.

ໂດຍອ້າງວ່າ: ເປັນໂຮງ ງານ ປາລາດສະຕິກ, ເພື່ອ   ຮັບເອົາເສດຂີ້ເຫຍື້ອຈາກ      ປະເທດໃກ້ຄຽງເຮົາມາເປັນ ຈຳນວນມະຫາສານ, ເຊິ່ງມີ ທັງສະພາບສົກກະປົກເໜົ່າ ເໝັນ ແລະ ເປື່ອຍເຍື່ອຍມາ ເທລົງມາໃນບໍລິເວນໂຮງ  ງານ ດັ່ງກ່າວທີ່ມີຂອບເຂດ ອັນກວ້າງຂວາງນັບຫລາຍ ສິບເຮັກຕາ, ເພື່ອມາໃຈ້ແຍກ ເອົາສິ່ງເສດເຫລືອຕ່າງໆ ແລ້ວນຳເຂົ້າຫລໍ່ຫລອມໃນ ໂຮງງານດັ່ງກ່າວ, ໂດຍມີ ການຄວບຄຸມຢ່າງເຂັ້ມງວດ ຂອງຜູ້ເປັນເຈົ້າຂອງ ແລະ  ສະພາບນີ້ໄດ້ມີຂຶ້ນມາປະ  ມານເດືອນກວ່າແລ້ວ, ຖ້າ ໃຜກາຍໄປໃກ້ໆ ເຂດນັ້ນກໍ  ຈະເຫັນຝູງນົກການັບເປັນ ຈຳນວນຫລວງຫລາຍເພື່ອ   ລໍຖ້າກິນເສດຂີ້ເຫຍື້ອອັນ  ເປື້ອນເປີະດັ່ງກ່າວ.

ເຊິ່ງສະພາບແນວນີ້  ແມ່ນບໍ່ເຄີຍມີມາກ່ອນ ແລະ ປັດຈຸບັນປະຊາຊົນ ຜູ້ຢູ່ໃກ້ ຄຽງກໍຢ້ານວ່າສິ່ງນີ້ຈະສົ່ງ ຜົນກະທົບຕໍ່ສະພາບແວດ ລ້ອມ ແລະ ການດຳລົງຊີ  ວິດຂອງປະຊາຊົນຢ່າງ        ແນ່ນອນ.

ເພື່ອນຜູ້ນັ້ນເວົ້າຢ້ຳ     ວ່າ: ຂະບວນລົດຂີ້ເຫຍື້ອ      ດັ່ງກ່າວ ຈະມາຮອດເຂດ     ທ່າລາດລະຫວ່າງຄ້າຍຄ່ຳ (ປະມານ 6-7 ໂມງ) ແລະ ເປັນຈຳນວນຫລາຍຄົນ   ແລະ ຜ່ານມາກໍບໍ່ເຫັນເຈົ້າ  ໜ້າ ທີ່ກ່ຽວຂ້ອງໃດໆເຂົ້າ ມາກວດກາຕົວຈິງ, ວ່າແມ່ນ ຂີ້ເຫຍື້ອປະເພດໃດ? ມັນ     ຈະມີຜົນກະທົບຕໍ່ມົນລະ      ພິດ  ແລະ ຊີວິດການເປັນ ຢູ່ຂອງປະຊາຊົນບໍ່? ແລະ   ປັດຈຸບັນທາງໂຮງງານໄດ້   ຂຸ້ນຂ້ຽວເກນຮັບແຮງງານ ໃນທ້ອງຖິ່ນດ້ວຍເງິນແຮງ ງານສູງແຕ່ 3-4 ລ້ານຂຶ້ນ ໄປ, ແຕ່ບາງຄົນເຮັດໄດ້ໄລ ຍະໜຶ່ງກໍອອກມາວ່າ: ທົນ ບໍ່ໄດ້ຕໍ່ຄວາມເປີະເປື້ອນ ຂອງເສດຂີ້ເຫຍື້ອເປັນພິດ    ດັ່ງກ່າວ.

ເອົາລະຍັງມີຫລາຍອັນ  ທີ່ຄົນທ້ອງຖິ່ນນັ້ນເລົ່າສູ່ຄະ   ນະພວກເຮົາ … ແຕ່ສິ່ງສຳ ຄັນໃນຈຸດນີ້ກໍຂໍຮຽກຮ້ອງ ພາກສ່ວນກ່ຽວຂ້ອງຮີບ ຮ້ອນລົງກວດກາແກ້ໄຂ   ແລະ ຄວນສະກັດກັ້ນການ ນຳເສດຂີ້ເຫຍື້ອເຂົ້າມາສູ່ປະເທດ, ເຊິ່ງສິ່ງນີ້ ຢູ່ຫລາຍປະເທດເພິ່ນກໍມີລະບຽບກົດ ໝາຍຫ້າມການປະພຶດດັ່ງ ກ່າວຢ່າງເຂັ້ມງວດ ແລະລາວເຮົາເດຄວນຈະປະຕິ     ບັດແນວໃດ, ເພື່ອຄວາມ     ສະຫງົບສຸກຂອງບ້ານ     ເມືອງເຮົາ./.