UN ຂໍລະດົມເງິນ 4.000 ລ້ານໂດລາ ຊ່ວຍເຢເມນ
ສະຫະປະຊາຊາດ ຖະແຫລງຂໍລະດົມເງິນ 4.000 ລ້ານໂດລາ ເພື່ອຈັດສັນການຊ່ວຍເຫລືອດ້ານມະນຸດສະທຳໃຫ້ປະຊາຊົນ 20 ລ້ານຄົນໃນເຢເມນປີໜ້າ ເທົ່າກັບ 70% ຂອງປະຊາກອນທົ່ວປະເທດ.
ທ່ານ ມາກ ໂລຄ໊ອກ ຮອງເລຂາທິການ UN ແລະ ຜູ້ປະສານງານດ້ານບັນເທົາທຸກສຸກເສີນ UN ກ່າວວ່າ: ໃນແຕ່ລະປີ UN ຕ້ອງການຄວາມຊ່ວຍເຫລືອຫລາຍພັນລ້ານໂດລາ. ສ່ວນກອງປະຊຸມກຸ່ມປະເທດຜູ້ບໍລິຈາກທີ່ຊູແອດ, ສະວິດ ແລະ ສະຫະປະຊາຊາດ ໃຫ້ການສະໜັບສະໜູນ ມີກຳນົດຈັດຂຶ້ນໃນວັນທີ 26 ກຸມພາ ຢູ່ນະຄອນເຈນີວາ. ເຈົ້າໜ້າທີ່ UN ກ່າວອີກວ່າ: UN ຈະໃຫ້ການຊ່ວຍເຫລືອຕໍ່ໄປ ເຖິງວ່າຄວາມຮຸນແຮງໃນເຢເມນຍັງບໍ່ຫລຸດລົງ ໂດຍຫວັງວ່າທ່າອ່ຽງໃນທາງທີ່ດີຂຶ້ນກັບການເຈລະຈາສັນຕິພາບໃນຊູແອດ ລະຫວ່າງກຸ່ມຕ່າງໆຂອງເຢເມນ. ນອກຈາກນີ້ ເຈົ້າໜ້າທີ່ UN ຍັງປະນາມການຂັດຂວາງການຈັດສັນຄວາມຊ່ວຍເຫລືອດ້ານມະນຸດສະທຳ ແລະ ເນັ້ນວ່າ: ເຢເມນຈຳເປັນຕ້ອງໄດ້ຮັບການຊ່ວຍເຫລືອ ເພື່ອກອບກູ້ເສດຖະກິດຈາກສະພາບຫລຸດຖອຍ.
