2 ວິທີການ 3 ບາດຄ້ອນ ປະຕິວັດປົດປ່ອຍປະເທດຊາດ
ໂດຍ: ທິດກ່ຳ
ໃນພາລະກິດການຕໍ່ສູ້ ປະຕິວັດເພື່ອປົດປ່ອຍປະ ເທດຊາດອອກຈາກແອກຄອບຄອງຂອງຈັກກະພັດ ຜູ້ຮຸກຮານຈົນມາຮອດວັນທີ 2 ທັນວາ 1975 ຈຶ່ງສາມາດ ປົດປ່ອຍປະເທດໄດ້ຢ່າງສົມບູນພັກເຮົາໄດ້ກຳນົດເອົາຮູບການຕໍ່ສູ້ດ້ວຍ 2 ວິທີການ ແລະ 3 ບາດຄ້ອນຍຸດທະສາດ, 2 ວິທີການນັ້ນແມ່ນການຕໍ່ສູ້ທາງການເມືອງ ແລະ ການທະຫານ.
ດ້ານການເມືອງແມ່ນໃຊ້ວິທີເຈລະຈາກັບຝ່າຍວຽງ ຈັນໃນຫລາຍຮູບແບບນັບ ແຕ່ສັນຍາເຊີແນວປີ 1954, ການສ້າງຄວາມຖືກຕ້ອງ ປອງດອງຊາດຕາມຮູບແບບລາວລວມລາວປີ 1957, 1973 ກຳນົດເອົາເມືອງ ວຽງໄຊ ເປັນຖານທີ່ໝັ້ນ ຂອງເຂດປົດປ່ອຍແລ້ວມີ ເປົ້າຂະຫຍາຍກວ້າງອອກ ໄປໃຫ້ຫລາຍທີ່ສຸດໃນທົ່ວ ປະເທດ.
ສ່ວນທາງດ້ານການທະຫານນັ້ນ, ໄປຄຽງຄູ່ກັບການ ເຈລະຈາກໍໃຊ້ກຳລັງທະຫານໜູນໜີບສ້າງຄວາມອັດຕະ ຄັດຂັດສົນໃຫ້ກຳລັງຝ່າຍ ວຽງຈັນທັງຕີປ້ອມທີ່ໝັ້ນ ຂອງຝ່າຍສັດຕູດັ່ງບັ້ນຮົບ ຫລວງນ້ຳທາ, ຜາຖີ່, ສອນໄຊ, ນ້ຳບາກ, ສາລາພູຄູນ, ບັ້ນ ຮົບລາມເຊີນ 719 ແລະ ອື່ນໆ ໃນທົ່ວປະເທດ.
ສະເພາະການນຳໃຊ້ 3 ບາດຄ້ອນຍຸດທະສາດໃນ ວາລະສຸດທ້າຍນັ້ນອັນທີໜຶ່ງ ກໍແມ່ນບາດ ຄ້ອນທາງດ້ານ ການ ເມືອງຖືເປັນແຖວໜ້າ ແລະ ສິ່ງສັກສິດກວ່າໝູ່, ບາດຄ້ອນ ອັນທີສອງນັ້ນກໍ ແມ່ນການຕໍ່ສູ້ທາງການທະ ຫານທັງບຸກຕີ, ທັງຍາດແຍ່ງ ເອົາເຂດປົດປ່ອຍອອກໃຫ້ ກວ້າງຂວາງຈົນສາມາດຢຶດ ໄດ້ເນື້ອທີ 3 ສ່ວນ 4 ຂອງພື້ນ ທີ່ໃນທົ່ວປະເທດ.
ສ່ວນບາດຄ້ອນອັນທີ ສາມນັ້ນ ກໍແມ່ນໃຊ້ວິທີການ ປຸກລະດົມມວນຊົນ, ປະຊາ ຊົນບັນດາເຜົ່າ, ປັນຍາຊົນ, ນັກຮຽນນັກສຶກສາ ແລະ ກຳມະກອນເຂົ້າຮ່ວມເພື່ອ ເປັນກ້ອນກຳລັງອັນມະຫາ ສານເພື່ອສະໜັບສະໜູນ ຕາມແນວທາງອັນຖືກຕ້ອງ ສອດຄ່ອງຂອງການປະຕິ ວັດລຸກຮື້ຂຶ້ນເປັນກະແສ ຟອງເພື່ອຕີຕ້ານກັບຝ່າຍ ກົງກັນຂ້າມ.
ນີ້ຄືບົດຮຽນອັນປະ ເສີດຍອດຍິ່ງ, ທັງແມ່ນຍຸດ ທະວີທີ, ສີລະປະຍຸດແຫ່ງ ການນຳພາຂອງພັກປະ ຊາຊົນ ປະຕິວັດລາວ ການ ໄດ້ມາ ເຊິ່ງໄຊຊະນະຈົນສາ ມາດປົດປ່ອຍ ທົ່ວປະເທດ ປະກາດລົບລ້າງລະບອບ ສັກດີນາທີ່ໄດ້ປົກຄອງບ້ານ ເມືອງມາຫລາຍເຊັ່ນຄົນ ເຫັນວ່າບໍ່ມີອັນໃດໂດດເດັ່ນ ສີວິໄລຮຸ່ງເຮືອງ, ຊ້ຳບໍ່ໜຳ ຕົກເປັນຂ້ອຍຂ້າມ້າຕ່າງເສຍ ແຜ່ນດິນ, ເສຍຊັບໃນດິນ, ສິນໃນນ້ຳ ແລະ ເສຍພົນລະ ເມືອງໄປຫລາຍສິບລ້ານ, ການປະກາດຊື່ປະເທດໃໝ່ ໃນຍຸກໃໝ່ເປັນ ສາທາລະ ນະລັດ ປະຊາທິປະໄຕ ປະຊາ ຊົນລາວ ແມ່ນເຫດການປະ ຫວັດສາດຂອງຊາດລາວ, ຄົນລາວເພື່ອກ້າວໄປຕາມ ເສັ້ນທາງອັນສະຫງ່າງາມ ແຫ່ງຍຸກສະໄໝ.
ໃນໄລຍະພຽງ 43 ປີ ແຫ່ງການປົກປັກຮັກສາ ແລະ ສ້າງສາປະເທດຊາດ, ບ້ານເມືອງຂອງພວກເຮົາໄດ້ຮັບການພັດທະນາໄປ ຢ່າງບໍ່ຢຸດຢັ້ງ, ຍັງອີກບໍ່ພໍຫ້າປີ, ສິບປີພວກເຮົາກໍຈະໄດ້ເຫັນລົດໄຟຄວາມໄວສູງ, ເຫັນປະເທດຊາດໄດ້ຫລຸດພົ້ນອອກຈາກຄວາມທຸກຍາກ ແລະ ດ້ອຍພັດທະນາ, ເຫັນການພັດທະນາທີ່ເຊື່ອມໂຍງ ໄປກັບເພື່ອນມິດອ້ອມຂ້າງ ໃນພາກພື້ນ ແລະ ສາກົນ, ນີ້ລະຄືສິ່ງຢັ້ງຢືນເຖິງໄຊ ຊະນະຂອງການປະຕິວັດລາວກໍຄືໝາກຜົນແຫ່ງ ການນຳໃຊ້ 2 ວິທີການ 3 ບາດຄ້ອຍຍຸດທະສາດ ຂອງພັກທີ່ໄດ້ນຳພາຕໍ່ສູ້ຈົນ ເຫັນເປັນຕົນເປັນໂຕມາ ເຖິງທຸກວັນນີ້./.
