ຄຳມ່ວນມີແຜນປູກເຂົ້ານາແຊງ 10 ພັນເຮັກຕາ
ຫົວໜ້າພະແນກກະ ສິກຳ ແລະ ປ່າໄມ້ ແຂວງ ຄຳມ່ວນລາຍງານວ່າ: ໃນ ສົກປີ 2018-2019 ທົ່ວ ແຂວງຈະສູ້ຊົນຜະລິດ ເຂົ້ານາແຊງໃຫ້ບັນລຸ 10 ພັນເຮັກຕາໃນນີ້ຜະລິດເປັນ ສະບຽງອາຫານ 5.220 ເຮັກຕາ ແລະຜະລິດເປັນ ສິນຄ້າ 4.780 ເຮັກຕາໃນຈຳນວນໂຄງການຊົນ ລະປະທານທັງໝົດ 117 ໂຄງ ການ,ເຊິ່ງໃນນີ້ 64 ໂຄງການ ແມ່ນ ຈະໄດ້ສ້ອມແປງຄືນ, ພ້ອມ ທັງວາງແຜນຊຸກຍູ້ປະ ຊາຊົນອະນາໄມຄອງເໝືອງ ແລະ ຈັດຫາຜູ້ປະກອບການ ສ້ອມແປງລະບົບຊົນລະປະ ທານຕາມງົບປະມານທີ່ ລັດຖະບານໄດ້ແບ່ງປັນໃຫ້ຈຳນວນ 4,8 ຕື້ກີບ. ມາຮອດປັດຈຸບັນສາມາດສ້ອມແປງ ສຳເລັດແລ້ວ 62 ໂຄງການ ແລະຍັງອີກ 2 ໂຄງການແມ່ນສ້ອມແປງລະບົບຫົວ ງານສຳເລັດ ແລະ ຍັງເຫຼືອ ແຕ່ປະຕູນ້ຳຍັງບໍ່ທັນຮັບ ປະກັນ, ຄາດວ່າຈະໃຫ້ສຳ ເລັດໃນຕົ້ນເດືອນທັນວານີ້ເພື່ອສະໜອງນໍ້າໃຫ້ບັນ ລຸຕາມເນື້ອທີ່ແຜນ ແລະ ທັນກັບລະດູການຜະລິດ ນາແຊງປີນີ້.
ທ່ານ ຫົວໜ້າພະແນກໃຫ້ຮູ້ຕື່ມວ່າ: ສຳລັບການ ຜະລິດນາແຊງປີນີ້ແມ່ນເປັນ ຂະບວນຄຶກຄື້ນ ເນື່ອງຈາກ ລະດູນາປີຂອງປະຊາຊົນໃນໄລຍະຜ່ານມາແມ່ນຖືກ ນ້ຳຖ້ວມເສຍຫາຍຫຼາຍ ປະຊາຊົນຈຶ່ງມີຄວາມຕື່ນຕົວສູງໃນການຜະລິດເຂົ້າ ນາແຊງເພື່ອທົດແທນ. ມາ ຮອດວັນທີ 11 ທັນວານີ້, ຊາວກະສິກອນໃນທົ່ວແຂວງແມ່ນໄດ້ສຳເລັດການຕົກກ້າ 100% ແລະ ລົງມືປັກດຳໄດ້ 25%, ສຳລັບການສະໜອງແນວພັນນອກຈາກແຂວງ ສະໜອງໃຫ້ ແລ້ວ ແມ່ນຍັງມີຜູ້ປະກອບ ການສະໜັບສະໜູນຕື່ມເປັນຕົ້ນແມ່ນເຂດເມືອງ ໜອງບົກ, ເຊບັ້ງໄຟ,ມະຫາ ໄຊ ແລະ ຍົມມະລາດ ໂດຍ ລວມແລ້ວແມ່ນສາມາດຕອບສະໜອງໄດ້ໂດຍພື້ນ ຖານສຳລັບແນວພັນ, ສ່ວນ ປຸ໋ຍແມ່ນທາງແຂວງໄດ້ມອບໃຫ້ແກ່ຜູ້ປະກອບ ການເປັນຜູ້ນຳເຂົ້າສ່ວນ ລັດແມ່ນໄດ້ແກ້ໄຂທາງ ດ້ານນະໂຍບາຍໃນການ ນຳເຂົ້າເພື່ອອຳນວຍຄວາມ ສະດວກແກ່ຜູ້ປະກອບ ການ ແລະ ຕອບສະໜອງໄດ້ ຕາມຄວາມຕ້ອງການຂອງ ຜູ້ຜະລິດ. ຢ່າງໃດກໍຕາມເຖິງວ່າແຂວງຄຳມ່ວນຈະ ຖືກຜົນກະທົບເສຍຫາຍ ໜັກ ແຕ່ໃນທົ່ວແຂວງຍັງ ສາມາດດຸ່ນດ່ຽງເຂົ້າກິນ ໂດຍສະເລ່ຍໃສ່ຫົວຄົນ ໃນທົ່ວແຂວງແມ່ນຍັງ ສາມາດກຸ້ມກິນ, ສາມາດ ຄ້ຳປະກັນໄດ້ທາງດ້ານສະ ບຽງອາຫານ ແລະ ຕອບ ສະໜອງເຂົ້າເພື່ອສົ່ງ ອອກທີ່ລັດຖະບານໄດ້ ກຳນົດໄວ້./.
