ຊຸນຢາງ ແລະ ແຄມເບວ ຄວ້າລາງວັນ ນັກກິລາລອຍນ້ຳດີເດັ່ນປີ 2018
November 30, 2018 - 6:18 PM
Pacific Rim ວາລະສານກິລາລອຍນ້ຳຂອງປະເທດສະຫະລັດອາເມລິກາ ເຊິ່ງເປັນວາລະສານກິລາລະດັບໂລກ ໄດ້ປະກາດລາງວັນນັກກິລາລອຍນ້ຳດີເດັ່ນຍິງ-ຊາຍ ປະຈຳປີ 2018. ຊຸນຢາງ ນັກກິລາລອຍນ້ຳຊາວຈີນ ໄວ 26 ປີ ເຈົ້າຂອງ 4 ຫລຽນຄຳ, 2 ຫລຽນເງິນ ເອຊຽນເກມ 2018 ໄດ້ຮັບລາງວັນນີ້ເປັນຄັ້ງທີ 5 ຕໍ່ຈາກປີ 2011, 2012, 2013 ແລະ 2017.
ຂະນະທີ່ ລາງວັນນັກກິລາລອຍນ້ຳຍິງດີເດັ່ນເປັນຂອງ ແຄັດ ແຄມເບວ ຊາວອົດສະຕຣາລີ ໄວ 26 ປີ ທີ່ສາມາດຄວ້າ 5 ຫລຽນຄຳ ລາຍການ Pan Pacific Championship 2018 ແລະ 3 ຫລຽນຄຳ, 1 ຫລຽນເງິນ ລາຍການ Commonwealth Games 2018 ໂດຍສາມາດສ້າງສະຖິຕິໂລກ 4×100 ແມັດທີມຍິງໃນລາຍການນີ້. ແຄັດ ແຄມເບວ ໄດ້ຮັບລາງວັນນີ້ເປັນຄັ້ງທຳອິດ.
