2 ທັນວາ ມະຫາໄຊ ໝັ້ນຍືນ!

ໂດຍ: ທິດກ່ຳ

ວັນຊາດ 2 ທັນວາ ປີນີ້, ແມ່ນພໍດີຄົບຮອບ 43 ປີ ແຫ່ງ ການກຳເນີດເກີດຂຶ້ນຂອງ ສາທາລະນະລັດ ປະຊາທິ ປະໄຕ ປະຊາຊົນລາວ (2/ 12/1975-2/12/2018) ການກຳເນີດເກີດຂຶ້ນ ແລະ ໄດ້ ມາເປັນຊື່ຂອງປະເທດ ສປປ ລາວ ມັນກໍບໍ່ໄດ້ງ່າຍຄືປອກ ກ້ວຍ, ຕ້ອງໄດ້ຜ່ານການ ເວລາ, ຜ່ານໄລຍະປະຫວັດ ສາດເປັນຫລາຍສັດຕະວັດ.

+ ກຽມຈິດໃຈສະເຫລີມສະຫລອງ ວັນຊາດທີ 2 ທັນວາ ໃຫ້ຟົດຟື້ນ2018

+ ສະຖານທູດຫວຽດນາມສະຫລອງວັນຊາດ 2 ກັນຍາ ຄົບຮອບ 73 ປີ2018/

ດັ່ງເຈົ້າອານຸວົງກໍຕ້ອງ ຕາຍຄາກົງຂັງ, ເຈົ້າຟ້າປັດ ໄຈ, ພໍ່ກະດວດ, ອົງແກ້ວກໍ ຕາຍຍ້ອນການເວລາ ແລະ ການຕາມລ່າປາບປາມສັງ ຫານຂອງກຳລັງສັດຕູທີ່ເອີ້ນວ່າພວກສັກດີນາລ່າເມືອງຂຶ້ນ.

ບັນດາສະຫາຍນັກຮົບ, ນັກເຄື່ອນໄຫວທີ່ຮັກຊາດ ຮັກແຜນດິນນັບເປັນໝື່ນ ເປັນແສນໄດ້ສະຫລະຊີບ ເພື່ອແລກເອົາປະເທດຊາດ ບ້ານເມືອງໃຫ້ຫລຸດພົ້ນອອກຈາກການເປັນຂ້ອຍຂ້າ, ອອກ ຈາກການກົດຂີ່ຂົ່ມເຫັງ ແລະ ແອກຄອບຄອງຂອງສັກດີນາ ແລະ ຈັກກະພັດຜູ້ຮຸກຮານ.

ນອກຈາກນັ້ນ, ກໍຍັງມີ ບັນດາທ່ານບັນດາສະຫາຍ ທີ່ເປັນຜູ້ນຳ, ພະນັກງານຫລັກ ແຫລ່ງແກ່ນສານ, ຕະຫລອດ ເຖິງພໍ່ແມ່ປະຊາຊົນບັນດາ ເຜົ່າໄດ້ຖືກທຸບຕີທໍລະມານ, ຈັບກຸມຄຸມຂັງ, ຖືກປະຫານ ຊີວິດ, ຖືກລະເປີດສັງຫານ ນາໆປະການຈາກພວກອິດທິກຳລັງຂອງສັດຕູທີ່ຕູ່ຫາວ່າ ເປັນຝ່າຍກະບົດ, ເປັນໃຈອິດ ສະຫລະ, ເປັນແນວລາວ ຮັກຊາດ, ເປັນພວກຄອມມູ ນິດຂາຍຊາດບ້ານເມືອງ.

ນີ້ລະຄືກະແສ ແລະ ການຕາມລ່າທ້າທາຍປາບ ປາມຂອງພວກກຳອຳນາດທີ່ໄດ້ຢຶດຄອງດິນແດນ ແລະ ກະທຳຕໍ່ອີກຝ່າຍໜຶ່ງທີ່ມີ ອຸດົມການຮັກຊາດ, ຮັກ ແຜ່ນດິນພວມຖືກພວກ ກຳອຳນາດກົດຂີ່ຂົ່ມເຫັງ ຈົນເຮັດໃຫ້ປະເທດຊາດ ບ້ານເມືອງທຸກຍາກປາກ ໝອງ, ດ້ອຍພັດທະນາ ແລະ ຈິບຫາຍວາຍວອດມາເປັນ ເວລາຍາວນານຫລາຍປີ.

ແຕ່ສັດຈະທຳທີ່ສະແດງ ໃຫ້ເຫັນຕົວຈິງຍິ່ງນັບມື້ປາບປາບຕາມລ່າ, ຍິ່ງກໍ່ເສີກສົງ ຄາມດ້ວຍກັນຫລາຍເທົ່າໃດອີກຝ່າຍໜຶ່ງກໍຍິ່ງປະລາໄຊ, ຝ່າຍຂະບວນຮັກຊາດຮັກ ແຜ່ນດິນ ກໍຍິ່ງເຕີບໃຫຍ່ເຂັ້ມ ແຂງ ຍິ່ງຕິກໍ່ຍິ່ງໄດ້ຮັບໄຊ ຊະນະສືບຕໍ່ກັນມາຈາກຮຸ້ນ ສຸດທ້າຍຝ່າຍກຳອຳນາດ ປ່າເຖື່ອນກໍຈຳຕ້ອງຍອມ ຮັບ ແລະ ປະລາໄຊຢ່າງ ເຈັບແສບ.

ເມື່ອຕັ້ງໂຈດກັນ ວ່າເປັນ ຫຍັງ? ຈຶ່ງເປັນແນວນັ້ນ? ຄຳຕອບ ກໍມີຢູ່ວ່າຍ້ອນ ມີອຸດົມ ການ ແລະ ເປົ້າໝາຍບໍ່ຄື ກັນ. ຝ່າຍໜຶ່ງເປັນຜູ້ມາຢືດ ຄອງດິນແດນຂອງປະເທດອື່ນ ເພື່ອກອບໂກຍເອົາຜົນປະ ໂຫຍດ, ເອົາຊັບໃນດິນສິນ ໃນນ້ຳ, ທຳສົງຄາມ ແລະ ກົດ ຂີ່ຂູດຮີດເຊື້ອຊາດທີ່ເຂົາເປັນ ເຈົ້າຂອງປະເທດຊາດ.

ແຕ່ອີກຝ່າຍໜຶ່ງ ພັດຕໍ່ສູ້ ແລະ ເຮັດທຸກສິ່ງທຸກຢ່າງ ເພື່ອຊາດເພື່ອແຜ່ນດິນອັນ ແສນຮັກ, ເພື່ອຄວາມເປັນ ເອກະລາດຂອງຊາດ ແລະ ເພື່ອຜົນປະໂຫຍດລວມຂອງຄົນທົ່ວທັງປະເທດ, ນີ້ຄືເປົ້າ ໝາຍ ແລະ ເສັ້ນທາງສັດ ຈະທຳທີ່ພິສູດໃຫ້ເຫັນຄວາມຈິງໃນປະຫວັດສາດຍຸກແຫ່ງສົງຄາມເຢັນ ແລະ ສົງຄາມ ລັບໃນປະເທດລາວ.

ຖ້າພວກເຮົາຫາກ ຍົກ ເອົານິ້ວມືມານັບໂດຍຄິດໄລ່ ແຕ່ເບິ່ງເຈົ້າອານຸວົງຕ້ານສັກດີນາມາຮຸກຮານຕໍ່ໃສ່ຍຸກຂະບວນການຕ້ານຝຣັ່ງເສດມາຮອດຍຸກອາເມລິກາພາຍໃຕ້ ການນຳພາຂອງຂະບວນ ການຜູ້ຮັກຊາດ, ຂະບວນການ ແນວລາວອິດສະຫລະ, ພັກ ຄອມມູນິດອິນດູຈີນ ແລະ ພັກປະຊາຊົນປະຕິວັດລາວ ກໍເຫັນວ່າໄດ້ຜ່ານພົ້ນມາ ຫລາຍຮ້ອຍປີທີ່ລະອິດລະ ອ້ຽວຈົນວ່າໄຊຊະນະໃນບັ້ນ ທ້າຍມາ ຮອດວັນທີ 2 ທັນວາ 1975 ພວກເຮົາຈິ່ງສາມາດ ປົດປ່ອຍ ໄດ້ໃນທົວປະເທດ.

ເພາະສະນັ້ນ, ຈຶ່ງເຫັນ ໄດ້ວ່າໄລຍະປະຫວັດສາດ ຈາກຮຸ້ນກ່ອນສູ່ຮຸ້ນສືບທອດ ບໍ່ຈັກວ່າມີຈັກວັນ, ຈັກເດືອນ ແລະ ຈັກປີປະເທດຊາດບ້ານ ເມືອງຂອງພວກເຮົາຈຶ່ງໄດ້ ຫລຸດອອກຈາກແອກຄອບ ຄອງຂອງລະບອບສັກດີນາ, ລັດທິລ່າເມືອງຂຶ້ນແບບເກົ່າ ແລະ ແບບໃໝ່ ກໍຄືຫລຸດພົ້ນ ອອກຈາກສົງຄາມໄລ່ລ່າ ປະຫັດປະຫານຂ້າກັນຕາຍ ຍານະ.

ມາຮອດຍຸກປັດຈຸບັນ, ຕະ ຫລອດໄລຍະແຫ່ງການປົກ ປັກຮັກສາ ແລະ ສ້າງສາປະ ເທດຊາດກໍຄືປົກປັກຮັກສາ ໝາກຜົນຂອງການປະຕິວັດ ມາໄດ້ 43 ປີ ປະເທດ ສາທາ ລະນະລັດ ປະຊາທິປະໄຕ ປະຊາຊົນລາວ ພາຍໃຕ້ການ ນຳພາຂອງພັກ ແລະ ລັດຖະ ບານອັນມີທຸງກາວົງເດືອນ ເປັນສັນຍາລັກທຸກສິ່ງຢ່າງ ປະເທດຊາດບ້ານເມືອງເຮົາ ນັບມື້ມີການສ້າງສາພັດທະນາ ແລະ ກ້າວໄປຢ່າງບໍ່ຢຸດຢັງ.
ສາທາລະນະລັດ ປະຊາ ທິປະໄຕ ປະຊາຊົນລາວ ໝັ້ນ ຍືນ! ວັນຊາດທີ 2 ທັນວາ ມະ ຫາໄຊ ໝັ້ນຍືນ!./.