ພ້ອມກັນອ່ວາຍໜ້າເຄື່ອນທັບ ຂັບເຄື່ອນສູ່ເມືອງວຽງໄຊ

ໂດຍ: ທິດກ່ຳ 

ດັ່ງທີ່ຮູ້ກັນໃນທົ່ວພັກ, ທົ່ວກອງທັບ ແລະ ທົ່ວປວງ ຊົນເຮົາຄື: ວັນທີ 30 ພະຈິກ 1968 ເປັນວັນສ້າງຕັ້ງ ເມືອງ ວຽງໄຊ ອັນເປັນຖານ ທີ່ໝັ້ນຂອງການປະຕິບັດ ລາວ ແລະ ກໍອາດເວົ້າໄດ້ ວ່າ ເມືອງ ວຽງໄຊ ໃນເມື່ອ ກ່ອນນັ້ນ ເປັນເມືອງ ຫລວງ ຂອງເຂດປົດປ່ອຍ.

+ ໄຂງານວາງສະແດງຮູບພາບສະເຫລີມສະຫລອງວັນສ້າງຕັ້ງເມືອງວຽງໄຊຄົບຮອບ 50 ປີ2018/

+ ຈົດຈຳລຳລຶກ ວັນກຳເນີດ ເມືອງວຽງໄຊ2018/

ມາຮອດປີນີ້ ມີອາຍຸຄົບ ຮອບ 50 ປີເຕັມ ຖ້າຈະປຽບ ທຽບໃສ່ອາຍຸຂອງຄົນເຮົາ ກໍແມ່ນໄດ້ເຄິ່ງສັດຕະວັດ ແລະ ກໍພວມກ້າວເຂົ້າສູ່ ຄວາມເປັນຫລັກແກ່ນແໜ້ນ ໜາຄຸນນະວຸດຂອງຈຸລັງ ຄອບ ຄົວ, ສັງຄົມ ແລະ ຂອງປະ ເທດຊາດບ້ານເມືອງ.

ໃນປີນີ້ເອງຖືເປັນຄັ້ງ ທຳ ອິດທີ່ພັກ ແລະ ລັດຖະ ບານ ເຮົາໄດ້ກຳນົດ ແລະ ຕົກລົງໃຫ້ມີການຈັດຕັ້ງສະ ເຫລີມສະຫລອງ ໃຫຍ່ເປັນ ຄັ້ງ ປະຫວັດສາດ ແລະ ມີ ຄວາມໝາຍເພື່ອຫວນຄືນ ມູນເຊື້ອຖ່ານທີ່ໝັ້ນດັ່ງກ່າວ ດ້ວຍຄວາມຮູ້ສຶກຕໍ່ບຸນຄຸນ, ທັງຫລິງເຫັນຄວາມໝາຍ, ຄວາມສຳຄັນຂອງເມືອງ ວຽງໄຊໄດ້ ເປັນທີ່ຈັ້ງ, ເປັນ ບ່ອນຢູ່, ບ່ອນກິນ, ບ່ອນຝຶກ ຝົນ ຫລໍ່ຫລອມ ແລະ ບ່ອນ ສຶກສາຫາຄວາມຮູ້ຂອງບັນ ດານັກຮົບປະຕິວັດຈາກຮຸ້ນ ກ່ອນມາຮອດຍຸກປັດຈຸບັນ.
ພວກເຮົາຈິ່ງໄດ້ພ້ອມ ກັນຈັດງານຄັ້ງນີ້ຂຶ້ນເພື່ອ ໃຫ້ສົມກັບວ່າເມືອງວຽງໄຊ ເປັນຕົ້ນກຳເນີດຂອງ ສາທາ ລະນະລັດ ປະຊາທິປະໄຕ ປະຊາຊົນລາວ.

ນອກຈາກບັນຫາທີ່ໄດ້ ກ່າວມາຂ້າງເທິງນັ້ນແລ້ວ, ເປົ້າໝາຍໃນອະນາຄົດກໍ ແມ່ນເພື່ອຈະສ້າງ ແລະ ເຮັດ ໃຫ້ ເມືອງວຽງໄຊກາຍເປັນ ແຫລ່ງທ່ອງທ່ຽວທາງດ້ານ ທຳມະຊາດ ແລະ ມູນເຊື້ອ ປະຫວັດສາດຂອງຊາດ ແລະ ຂອງການປະຕິວັດລາວ.

ນັບແຕ່ມື້ມີແຜນ ແລະ ມີໂຄງການສະເຫລີມສະ ຫລອງເປັນຕົ້ນມາ, ທາງ ພາກສ່ວນທີ່ກ່ຽວຂ້ອງກໍຄື ຄະນະຮັບຜິດຊອບກໍໄດ້ມີ ການເຄື່ອນໄຫວໃນຫລາຍ ດ້ານ ແລະ ຫລາຍໜ້າທີ່ເປັນ ຕົ້ນໄດ້ກະກຽມເນື້ອໃນ, ກະ ກຽມສະຖານທີ່ຕ່າງໆ, ຈັດ ສຳມະນາຕະຫລອດເຖິງ ການໂຄສະນາດ້ວຍຫລາຍ ຮູບຫລາຍແບບເພື່ອໃຫ້ຄົນ ໃນສັງຄົມຮັບຮູ້ ແລະ ເຂົ້າ ໃຈເຖິງຄຸນປະໂຫຍດຂອງ ເມືອງວຽງໄຊ ໃນອາດີດ ແລະ ປັດຈຸບັນ ເຊິ່ງໃນຜ່ານ ມາກໍໄດ້ມີຫລາຍ ພາກສ່ວນ ທັງບຸກຄົນ, ນິຕິບຸກຄົນ ແລະ ທັງການຈັດຕັ້ງໄດ້ພາກັນ ຈັດຄາລະວານໄປຢ້ຽມຢາມ ເມືອງວຽງໄຊດ້ວຍຫລາຍ ຮູບການເປັນຕົ້ນ: ຂະບວນຄາ ລະວານໃຫຍ່ໆ ກໍມີຂອງສະ ຫະພັນແມ່ຍິງຊັ້ນສູນກາງ, ຂອງສະຫະພັນກຳມະບານ ລາວ ແລະ ຂະບວນຂອງພາກ ສ່ວນອື່ນໆ ທັງນ້ອຍ ແລະ ໃຫຍ່ທີ່ໄດ້ພ້ອມກັນໄປທ່ຽວ ໄປຊົມຖານທີ່ໝັ້ນຂອງການ ປະຕິວັດສ່ວນວ່າຄັ້ງຫລ້າສຸດທີ່ເປັນຂະບວນໃຫຍ່ກໍແມ່ນ ຂອງແຂກ, ຂອງຜູ້ນຳ ແລະ ພາກສ່ວນກ່ຽວຂ້ອງອື່ນໆ ທີ່ ຈະໄປຮ່ວມງານສະເຫລີມ ສະຫລອງກໍໄດ້ພ້ອມກັນ ອ່ວາຍໜ້າເຄື່ອນທັບ-ຂັບ ເຄື່ອນອອກເດີນທາງໃນ ວັນທີ 28 ພະຈິກ 2018.

ແນວໃດກໍຕາມ, ເທົ່າທີ່ ທິດກ່ຳ ຄິດບັນດາສະຫາຍ ພະນັກງານ, ທະຫານ, ຕຳ ຫລວດຕະຫລອດເຖິງບັນ ດາສະຫາຍນັກຮົບປະຕິ ວັດ ຜູ້ທີ່ຍັງລອດຕາຍຫລົງ ເຫລືອມາຮອດປັດຈຸບັນກໍ ຈະໄດ້ມີໂອກາດໄປຮ່ວມງານ ໃນຄັ້ງນີ້, ຈະໄດ້ເຫັນໜ້າ, ເຫັນ ຕາກັນດ້ວຍເງື່ອນໄຂໃໝ່.

ສ່ວນຜູ້ທີ່ໄດ້ເສຍສະຫລະຊີວິດຍ້ອນການປະຕິວັດໃນ ອາດິດກໍຂໍໃຫ້ດວງວິນຍານ ຂອງບັນ ດາສະຫາຍນັກຮົບ ເຫລົ່ານັ້ນ ຈົ່ງສຸຂະຕິມີຄວາມ ສຸກໃນພື້ນພິພົບ, ຜູ້ທີ່ຍັງມີຊີ ວິດຍືນຍົງຄົງ ຕົວຢູ່ໃນປັດ ຈຸບັນຫາກບໍ່ໄດ້ມີໂອກາດໄປ ຮ່ວມງານໃນຄັ້ງນີ້ກໍຂໍໃຫ້ ຈົດຈຳລຳລຶກ ແລະ ຄິດເຖິງ ເມືອງວຽງໄຊ ທີ່ເຄີຍໄດ້ ດຳລົງຊີວິດ. ເປັນບ່ອນທີ ່ເຄີຍຝຶກຝົນຫລໍ່ຫລອມ, ຮ່ວມສຸກທຸກ ຢູ່ເຂດປົດປ່ອຍ ພາຍໃຕ້ອຸດົມການ ແລະ ພາ ລະກິດປະຕິວັດ ປົດປ່ອຍປະ ເທດຊາດ.

ມາຮອດຍຸກປັດຈຸບັນ, ສາທາລະນະລັດ ປະຊາທິປະ ໄຕ ປະຊາຊົນລາວ ມີອາຍຸ 43 ປີເຕັມ, ບົນເສັ້ນທາງແຫ່ງ ການປົກປັກຮັກສາ ແລະ ສ້າງສາປະເທດຊາດນັບມື້ມີ ຄວາມຈະເລີນຮຸ່ງເຮືອງ, ການ ເມືອງນັບມື້ໜັກແໜ້ນສະ ເຖຍລະພາບໝັ້ນຄົງ, ເສດ ຖະກິດກໍນັບມື້ຂະຫຍາຍ ຕົວຢ່າງຕໍ່ເນື່ອງ, ສັງຄົມວັດ ທະນະທຳກໍນັບມື້ຮຸ່ງເຮືອງ ສີວິໄລກ້າວໄປໜ້າຢ່າງ ບໍ່ຢຸດຢັ້ງ.

ນີ້ຄືໝາກຜົນແຫ່ງການ ຕໍ່ສູ້ຂອງປະຊາຊົນລາວບັນ ດາເຜົ່ານັບແຕ່ເຈົ້າອານຸວົງ ມາຮອດ ບັນດາຜູ້ນຳທີ່ຮັກ ຊາດຮັກແຜ່ນດິນດັ່ງພໍ່ກະ ດວດ, ເຈົ້າຟ້າປັດໄຈ, ອົງແກ້ວ ກົມມະດຳ, ຕໍ່ໃສ່ຂະບວນການ ແນວລາວອິດສະຫລະ, ການ ນຳພາຂອງພັກກອມມະນິດ ອິນດູຈີນມາຮອດພັກປະຊາ ຊົນ ປະຕິວັດລາວ ກ້າວສູ່ໄຊ ຊະນະພິກປິ້ນປະຫວັດສາດ ຈາກຍຸກເກົ່າທີ່ ເປັນຂ້ອຍຂ້າ ລ້າຫລັງກ້າວສູ່ຍຸກໃໝ່ ປະ ຊາທິປະໄຕ ໃນວັນທີ 2 ທັນວາ 1975 ເປັນຕົ້ນມາ./.